fortune
/-ù-/
for|tu|ne
[FO]
-
s.f.
destin, sorte alterne e indipendente de volontât e de azion umane:
la fortune e je stade cuintri di me;
vê inzen e snait, e savê doprâju e - la fortune - savê brincâle cuant che e passe (Riedo Pup, Tanto cjapo e tanto magno);
Lis fadiis par lui son una providença, parcè che i fan almanco dismenteià i patiments, e no gji lassin timp di ricuardâsi di cui che gjolt nel ozi e nei plasês i favôrs de la furtuna e de la injustizia sociâl (Federigo Comelli, Il me paîs)
Sin. câs
, destin
, sorte
-
s.f.
buine sorte:
o pensi ae fortune che o ai tal vê une famee che mi vûl ben (AAVV, Sul florî);
la magne e zuie cuntun miluç, o in altris câs cuntune balute di aur: cui che al rive a puartâ vie chel miluç al varà tante fortune che mai (Sandri Carrozzo, Friûl di Magance)
Sin. baze
, bon fat
, cûl
, gubane
-
s.f.
risultât une vore bon, massime in cjamp economic e professionâl:
la fortune [di Linùs] e fo grande. In pôc timp, graciis al marcjât che al domandave chel gjenar di prodot, al podè vendi une vore, fâ capitâl e cressi (Adrian Cescje, Liniis di storie sociâl e economiche dal Friûl 1500 - 1800);
al crodeve dibot di no rivâ plui a ricognossi i siei lûcs, e in chel moment si sintive plui forest in Friûl che no tal paîs dulà che al jere lât a cirî e a cjatâ fortune (Franca Mainardis, Il sium di Lissandri)
Sin. sucès
-
s.f.
cuantitât di bêçs, bens, proprietâts:
prime di lassâsi, il gnûf paron de fortune dai Muraie, Carlin, al tirà fûr une butilie di chês vecjis (Pieri Menis, Chei di Muraie);
in America […] al veva fat e brusât una furtuna (Novella Cantarutti, Na ombrena serada)
Sin. capitâl3
, cifre
, monede
, patrimoni
, ricjece
, sglavin
, voli
-
s.f.
câs fortunât:
al sa dâ conseis, al sa proverbis, al sa des lunis; si à di dî che e je une fortune chê di vêlu, in paîs (Roberto Ongaro, Cretevierte);
se i capite la fortune di pescjâ a pene il doi di briscule, garantît che chel doi lu fâs rindi tant che un as (Riedo Pup, Politiche estare dal Friûl)
-
s.f.
[BF]
burascje, temporâl sul mâr:
la tiare treme, il mâr fâs grant fortune / e i muarts des sepulturis jessin fûr (Ermes di Colorêt, II, 112)
-
s.f.
piçul invertebrât dal gjenar Scutigera, cun cuarp lunc e cun tancj pârs di sgripiis
Sin. centpîts
Polirematichis e espressions idiomatichis
Proverbis:
- a scovâ daspò da la avemarie, si scove la fortune di cjase
- cui che al à fortune che se tegni
- cui che al barate paîs al barate fortune
- fortune che lis 'savis no àn i dincj
- fortune in amôr e puarte fortune al zûc
- la aghe e va injù, il fum insù e la fortune par traviers
- la disgracie di un e je la fortune di un altri
- la fortune dal puar a son i comedons
- la fortune di un e je la disgracie di un altri
- la fortune e je vuarbe
- la fortune e jude cui che le tente
- la invidie e je la tarme de fortune
- la mode e la fortune a durin tant che la lune
- la muart dal lôf e je la fortune des pioris
- la muart de piore e je la fortune dal lôf
- muarte piore, fortune dal lôf
- no je fortune pai leterâts
- no je mai une disgracie che no sedi une fortune