destin
/-ìn/
des|tin
[FO]
-
s.m.
davuelzisi dai fats indipendent de volontât e de azion dal om, che si pues crodi za decidût di fuarcis metafisichis o che si calcole une fuarce sorenaturâl:
Ane no veve cirût il confuart di nissun, pronte simpri a sopuartâ il destin par ordin che al bateve (Maria Forte, La aghe dal Ariul);
cun chel gredei di pinsîrs tal cjâf al le sù a durmî ancje siôr Tite, che aromai si sintive tant pôc siôr e tant puar diaul in man dal destin (Roberto Ongaro, Il muc);
jerial forsit un destin crudêl che le strissinave in chel finimont? (Pieri Menis, Chei di Muraie)
Sin. câs
, fatalitât
, providence
, sorte
, venture
, cumbinazion
Var. distin
-
s.m.
situazion che no si pues cambiâ par vie che si considere naturâl, normâl, tradizionâl e v.i.:
il destin des feminis al è chel… lassâ la cjase dulà che a son nassudis, lassâ pari e mari e inviâsi pal mont dongje un om par meti sù une altre cjase (Pieri Menis, Chei di Muraie)
Sin. sorte
-
s.m.
situazion che si considere la fin, cemût che e risulte di une schirie di fats o di compuartaments:
tra lis pachis, i insults e lis menacis, a vignivin puartâts a Udin e, une volte fats zirâ pes stradis plui plenis par mostrâ il destin dai "traditôrs", a jerin sierâts in presons improvisadis (Carli Pup, La seconde Irlande)
Sin. sorte
-
fin de vite, maniere di finî:
cualchi frut, plui insurît, al preparave fiondis e sclipots. Su la plaçute, il destin des sisilis al jere in chês fiondis cence sintiment (Maria Forte, Cjase di Dalban);
«Cui podevial jessi?… Cui saraial, chel disgraciât [che si jere picjât]?… Ce destin, puaret!»
Sin. muart1
, fin2
-
s.m.
situazion, complès di fats o risultâts dal avignî:
se il destin dal Friûl al à di restâ leât cun chel di Triest, o sin dal gjat (Josef Marchet, Sot di nissun);
e butave lis cjartis a dutis lis feminis dal borc, e leieve il destin te cjicare dal cafè (Alan Brusini, Come tai romançs)
Sin. avignî1
, futûr
, sorte
-
s.m.
pont di rivade:
la letare no je rivade al so destin (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. destinazion
-
s.m.
azion o ativitât che si à di fâ:
il lôr destin l'è di osservâ il nemì, a timp di visâ ogni so moviment (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
Sin. compit
, assum
, funzion
, dovê2
Proverbis:
- dal destin no si scjampe
- lasse lâ la aghe al so destin