taule
/tà-/
tau|le
[FO]
-
s.f.
mobil fat di un plan orizontâl di len, metal o altri materiâl, par solit tignût sù di cuatri gjambis, di forme e misuris diferentis daûr dal ûs e dal gust:
la taule dal tinel e jere plene di cjartis e scartafàs dulà che chel siôr al cirive e po al cjapave notis su di un sfuei (Pieri Menis, Chei di Muraie);
l'om si tirà dongje la taule e al cirì un moment tra lis cjartis (Carlo Sgorlon, Prime di sere)
Sin. desc
Cfr. pic
, cjanton
, pît
, gjambe
, fasse
, cjâf
-
chê sorte di mobil doprât soredut par poiâ i plats e ce che al covente par mangjâ e sentâsi ator par gustâ o cenâ:
al jentrà tal fogolâr, là che la sô cristiane i veve lassade la taule tindude (Josef Cjargnel, La fogolade dal bosc);
mê mari ven a dinus che al à di parecjâ la taule (Sandri Di Suald, Ah! la provincie);
dute la famee si jere sentade ator de taule e e veve cenât cidine (Franca Mainardis, Grivôr);
si sintìn in taule. Il camarîr si fâs dongje (Arturo Feruglio, Viaç a Vignesie);
"No vêso fam fruts?… Sù culì… In taule! … Ancje tu, Pieri, cjol alc…" (Pieri Menis, Sul agâr)
-
complès dai puescj par cui che al è a mangjâ:
l’ustîr mi fasè sentâ e al inmanià la taule par doi (Sergio Cecotti, Il President)
-
complès des personis che a mangjin insiemi:
jo e un altri camarîr o vevin la incombence di servî la taule dai sorestants (Vico Bressan, Cîl e aghe);
chest fâ peraule cence dî nuie di precîs, al metè la taule in zito (Gianni Gregoricchio, Trê feminis)
-
ce che si mangje e il fat di mangjâ:
a jerin ducj pronts par chê taulone sostanziose di bogns parons, par une brente di vin robust e… par cuatri salts te armoniche e liron (Maria Forte, Cjase di Dalban)
Sin. mangjâ
, past
Cfr. gustâ2
, cene
, tratament
-
s.f.
spec. tal lengaç gjornalistic, lûc di incuintri, discussion:
lis primis taulis di concertazion che si son davueltis îr te sede de Regjon a Udin a àn confermât la domande par une limitazion des viertiduris des buteghis tes zornadis festivis (Redazion Radio Onde Furlane, Cumierç concertazion par vierzi tai dîs di fieste)
-
s.f.
pagjine di un libri cun figuris, grafics, dissens e v.i.:
il libri al è insiorât di desenis di taulis a colôrs di Giuseppe Dell’Aquila (ARLeF, Recension di "Babarut elefantut e las contas di mama ocja")
-
rapresentazion grafiche di dâts ordenâts:
il fosfar e l'arsenic, doi semimetai une vore simii (a stan un parsore di chel altri inte taule di Mendeleev) (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
-
s.f.
[TS]
art
toc di len splanât e slissât par pituris a vueli o tempare
Sin. cuadri
-
piture fate su chel len:
une taule cuntune Adorazion dai trê Rês e sants (Bepi Agostinis, Storie de art in Friûl)
-
s.f.
[TS]
sport
imprest di diviers sport in forme di bree avonde largje li che si pues poiâ ducj i doi i pîts:
kite-surf, acuilon e taule di surf (Erika Adami, Sul troi des emozions)
Polirematichis e espressions idiomatichis
Proverbis:
- al vâl plui un pan taront che no un mus in taule
- cui che al cjante in taule e in jet al è un mat perfet
- i brûts luncs a van pe taule
- il brût al scor pe taule
- in taule no si devente viei
- la taule e invide
- lis disgraciis a stan simpri prontis tant che lis taulis in ostarie
- ni in taule ni in jet no si puarte rispiet
- no bisugne nomenâ i muarts in taule