tratament
/-ènt/
tra|ta|ment
[AF]
-
s.m.
il tratâ cdn. o alc intune cierte maniere:
la minorance sclave e domande chê paritât di dirits e il tratament che e fo garantide tantis voltis (Josef Marchet, Dirits, promessis e fats);
jo o conti ce che o ai viodût, ce che o ai provât e o sai. Buchenwald, Plomnitz, Leau, ducj i cjamps a vevin il stes tratament. La dissipline e jere tremende (Max Mauro, Buchenwald 1944)
-
il someti cdn. o alc al efiet di ciertis sostancis o proceduris:
chescj incrosaments [di vît americane], tacâts a la fin dal Votcent, a àn dât origjin a une vore di varietâts deventadis cognossudis e popolârs fra i contadins e la int, ancje in Friûl, pal fat che a vevin bisugne di mancul o nissun tratament di ram e solfar (Enrico Peterlunger, Lis varietâts di vît resistentis a lis malatiis);
il tratament farmacologjic pai atacs di panic no son i ansiolitics (par esempli lis benzodiazepinis), ma i antidepressîfs (Franc Fari, Neurosiencis dal dolôr)
-
s.m.
complès des cundizions di un rapuart di lavôr e di retribuzion:
[i colonei] pûr continuant a figurâ in siarvizi, a scugnaressin restâ a cjase, cuntune riduzion de indenitât operative dal 10%. […] E chest tratament a scugnaressin patîlu fin a la pension (Riedo Pup, Cinccent a la volte)
-
s.m.
gustâ o cene bondant e lussuôs fat par celebrâ alc o cdn., ancje cun tancj invidâts:
il dì dopo tal palàs dal re jara un grant tratament, di un sentenâr di invidâts, in onôr da la nuvissa (Ranieri Mario Cossâr, Storia dai trê nerans);
divertiments di ca, / e trataments di là; / e no si môf un pît / sence sintî un invît / benedet Cividât / par ospitalitât! (Pieri Çorut, Cividât);
sot lis votazions il cont di Madiis al faseve un tratament tal mieç dal so zardin e al lassave cori par cualchi franc ad imprest, e sul plui biel de gnoce al butave la peraule sui umign di comun che a jerin di meti sù (Dino Virgili, La aghe da pît la cleve)
Cfr. fraiade
, past
