past
past
[CO]
-
s.m.
il mangjâ di ogni dì, fat a oraris regolârs, in gjenar a buinore, a misdì e di sere, e in câs ancje a mieze matine e a mieç dopomisdì:
tal indoman al lavorà dut il dì ca dal ustîr a resentâ botis e damigjanis, e finide la zornade i derin sietcent francs e i abonarin i trê pascj consumâts (Carlo Sgorlon, Prime di sere);
a mangjavin un past in dì, ma a tignivin la massarie par sintîsi a dî «siore contesse» (Pieri Somede dai Marcs, Une butule verde)
Sin. mangjâ
Cfr. gustâ2
, cene
, gulizion
, mirinde
-
il mangjâ e ce che si mangje no dome a oraris fis e no dome des personis, ma ancje des bestiis:
se al faseva i conts da la cjera che a i sarès tocjada dopo dividût cun ducj i fradis, al nal varès rivât il past di una feda (Novella Cantarutti, Torero)
-
s.m.
mangjâ une vore bondant, in câs ancje cun invidâts:
pal past di gnocis a vevin clamât une femine che in zoventût e veve fat la coghe (Roberto Ongaro, Il muc);
pre Jaroni, dopo messe piçule, al vignive par cjase a benedî lis fuiacis, i ûfs colorâts, il magri di purcit, il salam, il pistum, la cjar e il vin dal past di Pasche (Dino Virgili, La aghe da pît la cleve);
a viodin a rivâ il re e i fasin un biel acet e lu invidin a fâ un biel past cun dute la cort (Andreina Nicoloso Ciceri, Maletegne - Racconti popolari friulani I)
Sin. tratament
Proverbis:
- a son plui pascj che no dîs
- i litighents a fasin il past e i avocats lu mangjin
- i litighents a nasin il past e i avocats lu mangjin
- polente e lat, il past dal gjat