Dizionari de Lenghe Furlane

cene  /cè-/  ce|ne  [FO]

1. s.f. il mangjâ de sere, in gjenerâl l'ultin prime di lâ a durmî:  vignît, e je ore di cene!; lâ a cene fûr; doman o sin a cene là dai missêrs; ce isal vuê di cene?; te strade dal borc, dopo, al travane un bonodôr clip di jerbis e di ûfs dûrs di cene, al rive fintremai la braide: bonodôr penç di timp di cene, di Vierte e di polente (Dino Virgili, «…e là four dal nuestri cjamp…»)
   Cfr. gulizion , mirinde , gustâ² , past , sorecene
   
   1. ce che si mangje a cene:  preparâ di cene; imbroiâ sù une cene; la cene si disfredave su la taule (Dino Virgili, Dôs feminis e un frut)
   2. la ore che par solit si cene, in gjenerâl in indicazions di timp che si riferissin a prime o dopo:  clamimi prime di cene

Polirematichis e espressions idiomatichis

• comedâ gustâ e cene loc.v.
• daspò cene loc.av., loc.s.m.
• daspò di cene loc.av., loc.s.m.
• dopo cene loc.av., loc.s.m.
• dopo di cene loc.av., loc.s.m.
• fâ di cene loc.v.
• meti dacuardi gustâ e cene loc.v.

Proverbis:

• cui che al va a durmî cence cene dute la gnot si remene
• cui che al va a durmî cence cene dute la gnot si remene e cuant che si è ben remenât nol à ni durmît ni cenât
• cui che nol cene, dute la gnot si remene
• cui che nol cene, dute la gnot si tarmene
• daspò cene une prese di tabac e fâs la plene
• in cjase plene si sta pôc a fâ di cene
• la bausie se e guste no cene
• si sta pôc a fâ di cene cuant che la cjase e je plene