Dizionari de Lenghe Furlane

gustâ²  gus|tâ  [FO]

1. s.m. past che si mangje a mieze zornade:  a gustâ o a cene mi capitave dispès di sintî une sorte di fîl che mi leave a lui e a chei altris di famee (Enrico Martina, Ricuarts e inlusions); intant che a spietavin il gustâ e la 'Sese e jere indafarade a preparâ, a tacarin sot a discori argoments resints (Tarcisio Venuti, La cjase di Toni); la int lu viodeve vulintîr e cualchidun lu invidave ancje a gustâ (Angelo Covazzi, Fradi dal plevan); al fo un gustâ cui flocs, vins di ogni sorte, plats di cogo, goloseçs, raritâts e tancj confets che ju menavin cu la zee des panolis (Catarine Percude, Il solt del Signôr)
   Var. gustât²
   
   1. lis robis che si mangjin intal past di mieze zornade:  gustâ saurît e bon di lecâ la sedon (Alan Brusini, Come tai romançs); il gustâ al jere dibot pront, e che tun pâr di minûts lu varessin puartât in taule (Agnul di Spere, Un de maiorance)

Polirematichis e espressions idiomatichis

• comedâ gustâ e cene loc.v.
• dopo gustâ loc.s.m., loc.adi.inv., loc.av.
• meti dacuardi gustâ e cene loc.v.

Proverbis:

• la ore di gustâ pai siôrs e je cuant che a àn fam, pai pitocs cuant che a nd' àn
• la ore di gustâ pai siôrs e je cuant che a àn fam, pai puars cuant che a nd' àn
• pan e nôs, gustâ di spôs; nôs e pan, gustâ di cjan
• trops cogos a dissipin il gustâ