Dizionari de Lenghe Furlane

ruviers  /-èrs/  ru|viers  [CO]

1. adi. che al è de bande contrarie rispiet a chê normâl, chê juste, chê difûr, chê devant e v.i.:  poiâlu [il cjalcon] parsore [de cjalconarie] de bande ruviarse (Giuseppe Ferdinando del Torre, Il contadinel. Lunari par l'an 1867)
   Sin. ledrôs
   Var. riviers , roviers
   
   1. s.m. bande contrarie rispiet a chê normâl, chê juste, chê difûr, chê devant e v.i.
   2. s.m. (fig.) part platade, part che pal solit no si viôt, che no si pense, che no si cjape in considerazion
2. adi. contrari rispiet a un tiermin di confront:  dut ruviers da chel che jo dîs / soi sicûr che lui mi fâs (Anonim, Ce fortune ad un poltron)
   
   1. s.m. ce che al è il contrari di alc:  "Al podeve jessi dut e il ruviers di dut" (Sergio Cecotti, Il President)
3. adi. che al è negatîf, che al fâs cuintri:  [Zuan Nazzi] di simpri ruviers cuintri dal OLF e de grafie uficiâl (Sandri Carrozzo, La elaborazion resinte di imprescj lessicografics furlans)
   Sin. aviers , contrari , negatîf , nemì , ostîl , ledrôs
4. adi., s.m. che, cui che al è dificil di tratâ, che nol è zentîl ni degnevul:  un contadin ruviers vivût tal Friûl dal prin Cinccent (Luigino Peressini, Carli Pup, Vitis di un vilan salvadi)
   Sin. salvadi , ledrôs , cjaviestri , ruspiôs , rusgnac , impussibil , scontrôs
   
   1. di umôr, no legri, no seren, no calm, caraterizât di rabie, fastidi e sim.
      Sin. stuart , inmusonît , inrabiât , malmontât , rabiôs , stiçât , sustât , urtât , gnervôs , ledrôs
5. adi., s.m. [TS] artes. te gucje, pont contrari al dret
   Sin. ledrôs

Proverbis:

• bust a ruviers e manie drete al è l'inzen da la pulzete
• ogni dret il so ruviers