nemì
ne|mì
[FO]
-
adi., s.m.
che, cui che al è impegnât in vuere de bande contrarie, ancje cun sens coletîf:
nus àn metût un cuintri l'altri, dopo che nus vevin fat maçâ «i nemîs», a disevin lôr, e invezit a jerin nestris fradis ancje chei (Pieri Menis, Sul agâr);
a Rome a vevin decidût che chei là sù a jerin il Nemì e che bisugnave tradî la Austrie-Ongjarie, prime di chê volte aleade (Checo Tam, Just, cence di);
si viodeve int cence colôr sentade ca e là, spaventade dal businâ dai arioplans, amîs o nemîs cuissà, che a svolavin parsore Mestre (Pieri Somede dai Marcs, Sant Simon: 28 di Otubar 1917)
Var. nimì
, inimì
-
adi., s.m.
che, cui che al è impegnât di une bande contrarie intun conflit ancje no armât:
la vere reson de vuere cence cuartîr che e nus ven fate dai nemîs da la autonomie furlane […] e je la pôre di viodi rotis chês cjadenis di camore (Josef Marchet, La unitât de camore)
-
adi., s.m.
che, cui che al sint odi, aversion par cdn.:
pre Agnul lu mandarin a Sarsêt. Par pre Pitin e fo une liberazion. Parcè che al partive il so plui grant nemì e al rivave un altri capelan (Antoni Beline, Pre Pitin)
-
ancje riferît a alc di inanimât o di astrat o di figurât:
al tornave a vê pôris cence reson come di frut. Ce jerial par lui il scûr? Un puest di ombris che i jerin nemiis (Maria Forte, La tiere di Lansing);
la campagne che e tacave juste li, arade, grapade, splanade […] le sintive frede dut intun, nemie e cence misteri (Amedeo Giacomini, Tal ospedâl)
-
adi., s.m.
che, cui che nol sopuarte alc, che al à aversion ideâl, politiche o personâl cuintri cuintri di alc o che i fâs dam:
i unitaris talians a son stâts e ancjemò a son i prins nemîs di chê forme di unificazion che je la uniche pussibile in Italie (Josef Marchet, La unitât cuintri la unitât);
pre Nando, nemì de bausie, passionât di libertât, seneôs di vivi e di murî tor dal fogolâr in mieç ai amîs (Pieri Piçul, Vieri e gnûf)
-
(fig.)
ancje di alc di inanimât o di astrat, che al impedìs, al fâs dam, che al fâs cuintri e v.i.:
la rason a no je nemie di Diu, mai (Francesc Placerean, Tal matrimoni l'amôr al devente virtût e sacrament dal amôr di Diu par nô)
Proverbis:
- amì de vore fate e nemì di chê disfate
- cui che al è grant amì al è grant nemì
- dai amîs mi vuardi jo, dai nemîs mi vuardi Gjo
- dai nemîs mi vuardi jo, dai amîs mi vuardi Gjo
- grancj amîs, grancj nemîs
- il plui grant nemì dal om al è l'om stes
- la vitorie e je nemie de vuere, il scomençâ de pâs
- nissun nemì tant vîl che no si vedi di temê
- nissun plui nemì dal om dal om istès
- nol è mai nemì tant vîl che no si vedi di temê
- ognidun al à i siei nemîs