rabiôs
ra|bi|ôs
[FO]
-
adi., s.m.
che, cui che al à la rabie, la idrofobie:
Tite Vuic al è cul so cjan, al va a copâlu. "Parcè" i dîs Jacum Bigai, "isal rabiôs?" (Alan Brusini, Amîs come prime)
Var. raibôs
, ribôs
-
adi., s.m.
cjapât di contrarietât fuarte, ancje cun agressivitât:
o ai cjolt la pignate ma e scotave e i macarons a son finîts te cassele dai lens, par fortune che e jere nete la cassele: Graziella rabiose par ce che al jere sucedût (Mario Beltramini, Jo e Graziella);
"Ma, tu sês stât rabiôs cun me, rabiôs cun jê: ce dal diambar ti isal sucedût?" (Pieri Somede dai Marcs, La buteghe dal barbîr)
Sin. disdegnât
, imbesteât
, imbilât
, inrabiât
, invelegnât
, rabiât
, stiçât
-
che al mostre o che al somee che al mostri agressivitât, violence:
chel baston, lui lu veve sbatût cun fuarce rabiose suntune des taulis, che la bree e veve cricât (Gianni Gregoricchio, Trê feminis);
rispuestis rabiosis ogni volte che o cirivi di fâlu resonâ (Enrico Martina, Ricuarts e inlusions);
a passavin camions […] e machinis di ogni fate, magari dôs a la volte, a pêl, cuntune presse rabiose (Carlo Sgorlon, Prime di sere)
-
adi., s.m.
di passion o sintiment che al cjame la anime, cetant fuart:
cuant che o protesti, cuant che o sberli a la int lu fâs dome par une specie di amôr rabiôs dal gno prossim (Pieri Piçul, Vieri e gnûf)
Sin. ardint
, bugât
, ferbint
, fogât
, fogôs
, impetuôs
, sburît
, viament
-
ancje di sensazion fisiche, che e cjape insot, cun violence:
si platarin tai boscs come bestiis cjaçadis, di là dal flum, dongje i lôr muarts a mastiâ frint e glants te lôr fam rabiose (Dino Virgili, La aghe da pît la cleve)
-
adi., s.m.
che, cui che si inrabie cun facilitât:
Bastian, vecjo rivoluzionari, rabiôs, magagnât, çuet di une gjambe (Pieri Somede dai Marcs, Un pugn di moscjis);
in paîs nissun nol podeve viodilu parcè che al jere rabiôs e prepotent, e ducj le vevin simpri vude pierdude cun lui (Carlo Sgorlon, Prime di sere)
Sin. bilôs
, rabin1
, rebolât
, rebul
, rabiele
-
adi.
di element naturâl, une vore violent:
o vin passât a pas di om il Tiliment rabiôs in plene che al faseve pôre (Pieri Somede dai Marcs, Sant Simon: 28 di Otubar 1917);
fûr, un aiar rabiôs, une buere crude che e sivilave sui cops, che e faseve cricâ i arbui e zemi lis fueis (Franca Mainardis, Aiar di cjase);
la aghe si jere disbassade e il soreli rabiôs al supave sù i ultins boions come zumielis (Dino Virgili, La aghe da pît la cleve)
Sin. burascjôs
, impetuôs
, violent
, viament
, imburît
-
ancje di artefats:
parsore dai nestris cjâfs lis granadis a passavin ciulant rabiosis, lant a sclopâ abàs jù pai crets (Pieri Menis, Cemût che o soi restât caporâl)
Polirematichis e espressions idiomatichis
Proverbis:
- cui vîf su la cjar muarte, cui sun chê vive, cui sun chê rabiose
- dai al cjan che al è rabiôs
- miôr vivi tal bosc che no cu la femine rabiose
- trê robis a fasin scjampâ la int di cjase: la cusine fumose, la femine rabiose e la cjase discuvierte
