impussibil
/-ssì-/
im|pu|ssi|bil
[FO]
-
adi.
che nol pues jessi, che nol pues sucedi, che no si pues inverâ, che no si pues fâ e v.i.:
par un pôc Eliseo al procurà di no sporcjâsi, po dopo al capì che al jere impussibil e no i abadà plui (Carlo Sgorlon, Prime di sere);
Ce ise la muart? Parcè? Dulà saraial so pari cumò? Impussibil che nol sedi plui (Alan Brusini, Par stradis lungjis)
Var. impossibil
, impussibul
, impossibul
-
adi.
(iperb.)
une vore dûr, dificil e v.i.:
pal nazionalisim talian […] i furlans a son barbars ignorants che a fevelin un dialet impussibil di capî (Sandri Carrozzo, La gubane, o ben la fortune di jessi la puarte de Europe orientâl)
Sin. grivi
, impestât
, ledrôs
-
adi.
(fam.)
di alc o di cdn., che no si rive a sopuartâ:
no, no, al è impussibil lâ indenant in cheste maniere… bisugne propit che cambii parone (Pieri Somede dai Marcs, Lassait che mi sbrochi!);
ce âstu vuê che tu sês impussibil?;
l'ambient impussibil / la spusse, il calôr / ti siare la gole / il cjâf ti va ator (Romeo Battistig (?), Ai Piombi)
Sin. insopuartabil
, trement
, teribil
, di murî
-
adi.
che nol permet di fâ alc:
al è un timp impussibil, nancje pensâ di lâ fûr a fâ cuatri pas;
e je une biele borse, ma e à un presit impussibil
-
s.m.
ce che nol è pussibil:
si son butâts fûr, […] cirint ripârs che no jerin, sperant tal impussibil […] I alpins de vincjesime dal bataion Cividât a colavin come moscjis (Pieri Menis, Tinut di Libro);
i furlans no domandin l’impussibil. Dome chel che ur spiete (Erika Adami, Rai e Ministeri difidâts)
Polirematichis e espressions idiomatichis
Proverbis:
- al è impussibil di contentâ ducj