teribil
/-rì-/
te|ri|bil
[AF]
-
adi.
che al fâs orôr e terôr, che al è une vore negatîf, che al fâs une vore di pôre, une vore di mâl e v.i. o che al è caraterizât di pôre, mâl e v.i.:
la gnot e fo teribile: fan, frêt, sêt e dolôrs par dut il cuarp (Roberto Ongaro, Il muc);
ogni cjiscjel al veve tor di se liendis teribilis (Riedo Pup, I furlans e il cjistiel)
Sin. orent
, oribil
, orit
, pelôs
, spasimât
, spaventevul
, trement
-
adi.
(iperb.)
che al à un caratar une vore fuart e dificil o che si compuarte in manieris che no son chês justis, regolârs, acetadis e v.i.:
jê e jere teribile. Tignîle ferme al jere impussibil, e cuant che si meteve tal cjâf une robe, di fâ o di no fâ, e rivave cuasi simpri a vêle vinte (Raffaele Serafini, Altris contis di famee)
Sin. trement
-
adi.
che al è une vore negatîf intune cualsisei cualitât:
un vin teribil
Sin. orent
, oribil
, cragnôs
, vergognôs
, trement
, spaurôs
-
adi.
che al è une vore grant, fuart e v.i. intune cualsisei cualitât:
te sô storie si insedave ancje la ombrene suturne e potente dal destin, e plui di dut la sô teribile debilece cu lis feminis (Carlo Sgorlon, Il dolfin)
Sin. bestiâl
, trement
, grant
, bocon
, badiâl
, spropositât
, ecezionâl
, straordenari