Dizionari de Lenghe Furlane

trement  /-ènt/  tre|ment  [FO]

1. adi. che al fâs tremâ, che al fâs pôre:  nus cjalave cun chei siei voi trements e nô fruts o murivin di pôre (Alan Brusini, Come tai romançs); la muart a rivava, nera jê, tremenda che a lu scjafoava e a lu riduseva tun guluç di poura (Novella Cantarutti, Barba Fodo e la muart)
   Sin. malandret , mastin , mostri , orent , oribil , orit , spasimât , spaventevul , teribil
   Var. trimint , trament
   
   1. riferît ae pôre o a sensazions che si somein o che a àn a ce fâ cu la pôre stesse, une vore fuarte:  al veve une pôre tremende ma nol saveve di ce (Checo Tam, Vencul); no mi vergogni a declarâ che tal mio cûr e je penetrade une sbigule tremende (Arturo Feruglio, Viaç a Vignesie)
2. adi. une vore negatîf, che al è cause o che al è caraterizât di mâl, dams e v.i.:  ce anade tremende il mil nûfcent e cuarantecuatri! (Roberto Ongaro, Il muc); si metè tal jet, doiis su doiis tremendis che i pareve di murî (Pieri Somede dai Marcs, A jerin lagrimis); "Al è trement! Un cadavar di om fat a tocs te boschete!" (Checo Tam, Sense); il Friûl al jere batût di une altre tremende scjassade, dal taramot dai 15 di Setembar (Adrian Cescje, Memoriis di politiche linguistiche)
   Sin. apocalitic , catastrofic , di fâ pôre , di montafin , disastrôs , orit , spaventevul , teribil , orent , oribil
   
   1. une vore trist:  si sintive saldo, framieç dal odôr di salmastri, un tuf trement di sudôr e di cragne che ti cjoleve il flât (Enrico Martina, Ricuarts e inlusions)
3. adi. une vore fuart, une vore grant e v.i., in cualchi câs ancje di alc di positîf:  il polvar de strade, il scjassâsi de coriere, un aiar trement che al jentrave par une lastre rote (Pieri Somede dai Marcs, A Aquilee); al beveve di cjapâ sù cjochis tremendis (Meni Ucel, Rispiets); ur volìn un ben trement a chei cuatri claps e a chês cumieris (Francesc Placerean, Nadâl nus fâs capî che la storie e je plui profonde e biele di chel che e somee)
4. adi., s.m. che, cui che al à un caratar une vore fuart e dificil:  al è trement, bisugne stâ atents di no sustâlu (Alan Brusini, Gian Paolo Linda, I forescj)
   
   1. che al à un caratar un vore fuart, ancje in positîf:  però ce soldâts chei li, int tremende, che nus devin coragjo ancje a nô (Alan Brusini, I ribei)
   2. che al fâs berechinadis, che no si compuarte cemût che al varès:  ma il frut, trement e dispetôs, si met a cjantâ sot dal puiûl dal plevan (Angelo Floramo, L’imagjinari Anonim Venezian e la storie de puare Pauline, vitime di un vecjo libertin)