Dizionari de Lenghe Furlane

di fâ pôre    [AF]

1. loc.av., loc.adi.inv. in forme che e fâs cjapâ pôre, che al fâs cjapâ pôre:  di colp si spalanche la puarte, Agnul al si presente cuntune muse di fâ pôre, Rose si tire in bande (Pieri Somede dai Marcs, Vilie di Nadâl (teatri)); sul mûr de stanzie la lum e ingrandive ombris di fâ pôre (Dino Virgili, La aghe da pît la cleve)
   Sin. di fâ spavent
2. loc.av., loc.adi.inv. (fig., iperb., coloc.) in maniere, misure, cuantitât e v.i. une vore grande:  ben, chei vecjos [alpins] ca, a jerin un miôr di chel atri. Un çuet, un cence dincj, un gobo cu lis cuestis dutis dadis dongje, e bruts di fâ pôre (Alan Brusini, I universitaris); e veve vivût un numar di agn di fâ pôre, tant che no ju contave nancje plui (Carlo Sgorlon, Il dolfin)
   Sin. che mai , di no crodi , di fâ spavent , di no dî

Components:

• fâ v.tr., s.m., v.intr.
• pôre s.f.