rompisi
/rò-/
rom|pi|si
[FO]
-
v.pron.intr.
(ancje fig.)
no jessi plui intîr, lâ in tocs:
al jere biel lâ a cirîju [i ûfs] platâts come che a jerin sot lis fueis e metiju planchin te sporte che no vessin di rompisi (Alan Brusini, Come tai romançs);
lassìnlu stâ, chest spieli. Che nol ves di rompisi! (AAVV, Sul florî);
par picjâlu ancje lu picjin dome che juste in chel si è rote par intop la cuarde (Ivano Urli, Storie di Min)
Sin. crevâsi
, disfâsi
Cfr. sbregâsi
, sbridinâsi
, fruçonâsi
, distacâsi
, spreçâsi
, sdrumâsi
, distruzisi
, vierzisi
, dividisi
, disseparâsi
, discloteâsi
-
di alc di imateriâl, pierdi integritât, cessâ di esisti o di lâ indevant come prime:
si è rot l'ecuilibri che al fondave la societât (Fabian Ros, La invenzion dal stât)
-
v.pron.intr., v.pron.tr.
fâsi une frature:
fâ moviment al sbasse il pericul de osteoporosi e di colâ e rompisi i vues (Guglielmo Pitzalis, Ocjo ai vues!);
al è sbrissât te latarie e al si è rot une gjambe (Pieri Somede dai Marcs, Ursule)
Sin. crevâsi
, scjavaçâsi
Cfr. disjustâsi
, dissignestrâsi
, dissipâsi
-
v.pron.intr.
no funzionâ plui:
al faseve machinaris pe gruesse industrie, robe piçule che e risolveve grancj problemis. No cuissà ce, ma che e funzionave cence rompisi (Igor Londero, Delit in vie del Lavoro)
Cfr. disjustâsi
, vuastâsi
-
v.pron.intr.
meti impegn, sfuarç, par rivâ a un risultât, par cambiâ in miôr e v.i.:
la Nande si adatave al dut e e navigave cence rompisi masse in chê miserie sbaldide, in chê misture di ben e di mâl (Maria Forte, La cjase dal Murat);
sul lavôr, po, al faseve pal so cont lui, cu la sflacje, cence rompisi tant par nissun (Riedo Pup, La gjambe di Zaneto)
Sin. impegnâsi
, sfuarçâsi
, movisi
, çugnâsi
, sbatisi
-
vê une cualchi reazion o preocupazion:
il popul furlan al refude il regâl che i vevin fat o almancul no si romp nancje a dî gracie (Josef Marchet, Furlans autonomiscj platonics)
-
v.pron.intr.
(fig.)
pierdi la pazience, no sopuartâ plui:
Rhett però si è rot di stâi daûr a jê: "Ce mi freial a mi […]" (Bete di Spere, Vie cu la Buere)
Sin. stufâsi
, secjâsi
-
v.pron.intr.
dal timp meteorologjic, deventâ brut, tacâ a plovi o vignî temporâl:
o soi di vore là di Toni de Gjave, a spedâ vîts prime che si rompi il timp (Maria Forte, "Nossent");
si sintive falide, grise dutun cul timp che al si veve rot (Jolanda Mazzon, Fûr di timp)
-
v.pron.intr.
de vôs, vignî fûr cun mancul continuitât o sigurece par vie de emozion:
"[…] par me" e continue, cu la vôs che si romp "e je une robe fuarte, impuartante, a mi da la sigurece che mi covente" (Maurizio Mattiuzza, Al prossim casting ti sielzin te)
Polirematichis e espressions idiomatichis
Proverbis:
- a tirâ masse la cuarde, si romp
- cui che al nas disfortunât ancje se al cole par daûr si romp il nâs
- cul tirâ, la tele si romp
- cul trop tirâ, la cuarde si romp
- la cuarde co e je trop tirade si romp