sfuarçâsi
sfuar|çâ|si
[AF]
-
v.pron.intr.
impegnâsi une vore par vê un risultât:
i imperadôrs a protestarin e si sfuarçarin di rompi cheste cjadene vergognose di usurpazions (Josef Marchet, Cuintristorie dal Friûl dal 1866 fint in dì di vuê);
inte metât dal secul IX Ciril e Metodi si sfuarçarin di cjatâ fûr un alfabet par podê consegnâ a la lenghe di ducj i slâfs la peraule di Diu (Angelo Floramo, Il Vanzeli di Marc)
Sin. bati pîts e mans
, dâi daûr
, dâi sot
, dâsi ator
, dâsi da fâ
, dâsi lis mans ator
, doprâsi
, impegnâsi
, impleâsi
, machinâ
, manezâsi
, messedâsi
, metisi sot
, procurâ
, sbraçâsi
, smalitâ
, smaniâ
-
v.pron.intr.
meti tant fuarce di jessi cjapât de fadie:
alc al à imparât a fâ, al podarès ancje viodi un pôc de cjase; si capìs, cence sfuarçâsi, biel planc, un pôc in dì (Roberto Ongaro, Cretevierte);
e stave oris a lavâ su la piere dal Ripudin cui pîts ta la aghe, o a sfuarçâsi a svangjâ l'ort te plombe dal soreli (Maria Forte, Dome la cjampanute di Sant Bortul)
Sin. stracâsi
, scanâsi
, sfadiâ
-
v.pron.intr.
fâ alc cuntun sfuarç di volontât, ancje cuintri di une proprie inclinazion o cuintri di un impuls che al ven naturâl:
"Mangje, sfuarciti ancje se no tu âs fam" (Amedeo Giacomini, Tal ospedâl);
al si sintive tai vues la pôre dal doman, e al si sfuarçave di parâle vie (Carlo Sgorlon, Prime di sere)
Sin. costrenzisi
, obleâsi
-
v.pron.intr.
pierdi la forme par vie di une fuarce, di une pression, di une tension:
la gnervadure dal gargat si sfuarce, si distire, e fâs sac (Josef Marchet, Lis predicjis dal muini)