smalitâ
sma|li|tâ
[CO]
-
v.intr.
movisi in maniere convulsive, disordenade, frenetiche, ancje di alc di inanimât e imateriâl:
[il frut] al smalite tal braç de mari e al scomence a cuarnâ disperât (Meni Ucel, Tirâ sù fruts);
i doi umign si imbrancarin, a marcolarin par tiere, muardintsi, sgrifignantsi, rugnant come bestiis, acanîts e insanganâts, tun grop di cuarps che a smalitavin (Dino Virgili, La aghe da pît la cleve);
la tô vôs pâr che vedi al cunvuls. La vioditu forsi vignî? Si smenolia e saltussia e smalitia? Isa tant vivurosa e alegra? (Ugo Pellis, Al rusignûl svuarbât);
cheste e jere la dulie profonde che e smalitave plui di dut ta la anime di Matie (Pieri Menis, Sul agâr)
Sin. messedâsi
, smenâsi
, 'siminâ
, agjitâsi
, remenâsi
, calmanâsi
, scjassâsi
, scodolâsi
, smaniâ
, smenolâsi
, smalitâsi
-
impegnâsi o sfuarçâsi in maniere frenetiche:
i barbars urlavin tor lis muris de citât, come tancj lôfs rabiôs di fam, e smalitavin par entrâ dentri (Giuseppe Dondo, Le curiositât sacomade)
-
fâsi cjapâ dal gnervôs, de preocupazion o di une emozion fuarte:
parcè mo i jerie vignude tai voi nome chê figure? Al cirì dentri dal cûr e si inacuarzè cun gust che par chel nol smalitave plui, par nuie! (Pieri Menis, Sul agâr);
cul prin scûr, Pascute e veve scomençât a smalitâ: "Là vûstu che e sedi lade a cheste ore? E veve nome di fâ un fassut: e je za gnot e inmò no torne!" (Roberto Ongaro, Cretevierte)
-
v.tr.
[BF]
(ancje fig.)
fâ movi in maniere convulsive, disordenade, frenetiche:
une armoniche estrose che, a voltis, e leave ben dutis lis notis […] e a voltis, par cuissà ce svariament, lis smalitave cuntun sgherbeç mataran (Maria Forte, La cjase dal Murat)