Dizionari de Lenghe Furlane

remenâsi  re|me|nâ|si  [AF]

1. v.pron.intr. movisi di ca e di là plui voltis:  si volte, si remene, / nol cjate poste, nol po cjapâ sium (Pieri Çorut, Ne lis gnocis Riç-Ribano)
   Sin. zirâsi , voltâsi , rizirâsi
   
   1. movisi in maniere improvise, disordenade o convulsive:  Setimio si remenave e i dolôrs i disfiguravin la muse (Gianni Gregoricchio, Îr e doman); al si môf, si remene a scjassons, si insumie spaventât (Pieri Somede dai Marcs, L'ombrenâr)
      Sin. agjitâsi , daspâ , messedâsi , sbracâ , sgorneâ , smalitâ , smenâsi , tarmenâ , smenolâsi , spacâsi
2. v.pron.intr. lâ ator:  jê ca e Brôs simpri lontan a remenâsi tal todesc (Maria Forte, Varc di confin); dopo tant remenâmi pes stradis dal paîs o decît di jentrâ al Cjaçadôr (Alan Brusini, Gian Paolo Linda, I forescj); cjacaris son cjacaris. Il mont lassa fevelâ e intant seguita a remenâsi par aria, come un sgurli che trota (Federigo Comelli, Il me paîs)
   Sin. zirâ , torzeâ , torzeonâ , lâ a torzeon , pressembolâsi
3. v.pron.intr. lâ ator par un puest o stâ tun puest pierdint timp, stant dibant:  no sêstu stuf di remenâti par cjase dut al dì, cence fâ nuie? (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. dandanâ , drindulâsi , oziâ , oziosâ , pendolâ , pendolâsi , pindulâ , pindulâsi , trindulâsi , russâsi la panze , russâ mûrs

Proverbis:

• cui che al va a durmî cence cene dute la gnot si remene
• cui che al va a durmî cence cene dute la gnot si remene e cuant che si è ben remenât nol à ni durmît ni cenât
• cui che nol cene, dute la gnot si remene