Dizionari de Lenghe Furlane

distacâsi  dis|ta|câ|si  [AF]

1. v.pron.intr. vignî vie o vignî jù di dulà che si jere tacâts:  e lis fueis zalis e rossis, che si distacavin dai teis, a jerin mans che a saludavin (Maria Forte, Cjase di Dalban); al scovave tocs di crep che si distacavin dal volt dai puartins (Stiefin Morat, Kebar krossè)
   Sin. diszontâsi , molâsi , separâsi , dispeâsi , disbletâsi
   Var. stacâsi
   Cfr. colâ¹ , vignî vie , vignî jù
   
   1. v.pron.tr. gjavâsi vie alc che si veve intor o une part dal so cuarp:  difûr, sot il puarti, cualchidun al bat i pîts par distacâsi i bârs di nêf des çuculis (Dino Virgili, La aghe da pît la cleve); al è disperât, al bute indevant un pît intun salt grubian, di rassanât, a cost di sbregâsi in doi, di distacâsi il pît (Laurin Zuan Nardin, Lis domandis)
   2. v.pron.intr. (fig.) di element atmosferic, vignî, rivâ:  «Tirait dongje i fens che vuê si distache un brut burlaç» (Maria Forte, Cjase di Dalban)
2. v.pron.intr. pierdi o slizerî o disfredâ un leam di afiet, interès o sim.:  cun Nadalie o jeri come sûr zimule. No savevin distacâsi (Pieri Piçul, Vieri e gnûf); si iritave ancje pensant ai fîs che a jerin, une buine part, la colpe di chel distacâsi dal om (Maria Forte, La tiere di Lansing)
   Sin. lâ vie , dividisi , separâsi , slontanâsi , dislontanâsi
   Cfr. molâ , molâsi
   
   1. gjavâsi di un leam economic, politic, legâl e v.i.:  Paulin I, che tal 558 al à clamât dongje un sinodi cun ducj i vescui sufraganis di Aquilee e si à distacât di Rome (Diego Navarria, Patriarcjis fûr dal ordenari)
3. v.pron.intr. no jessi compagn, jessi diviers:  lis testemoneancis dai diviers procès a puedin, par diviers motîfs, distacâsi tai particolârs di suaze, ma pal solit a concuardin suntun telâr di fonde avonde costant (Sandri Carrozzo, Jenfri vîfs e muarts); une soluzion che no si distachi masse dal sisteme di Marchet (Adrian Cescje, Memoriis di politiche linguistiche)
   Sin. diferenziâsi , distinguisi , slontanâsi , dislontanâsi
4. v.pron.intr. lâ vie di cdn. o di un puest:  si distacà dai compagns e si invià jù a cjase pai trois (Riedo Pup, Gran Dio benedite l'Italia); Si jere decidude a distacâsi dal barcon, a no fissâ plui cun voli bramôs inte direzion de muraie (Franca Mainardis, A ôr dal flum)
   Sin. slontanâsi
   
   1. vê principi e slontanâsi di une origjin:  bisugne notâ che in chel puest a si distache de strade maestre un troi, un pôc discomut se si vûl, che in cuatri salts al mene sù al paîs (Luigi Gortani, Il matescul di Cjabie)
5. v.pron.intr. pierdi il colegament cuntun circuit, un mecanisim e v.i.
   Sin. disconetisi , discolegâsi
   Cfr. interompisi