slontanâsi
slon|ta|nâ|si
[FO]
-
v.pron.intr.
lâ lontan o plui lontan:
al veve nadât fin che al veve podût cirint di slontanâsi de nâf (Pieri Menis, Sul agâr);
il jeur i è jessût cuasi sot i pîts e si è slontanât come une saete tal net dai prâts di Malisan (Riedo Pup, I furlans e la cjace)
Sin. lâ vie
, partî1
, gjavâsi
, dislontanâsi
-
deventâ plui lontan par un moviment aparent, pal efiet dal moviment di un osservadôr:
al veve viodude la Calabrie slontanâsi e deventâ picinine (Raffaele Serafini, Bulint e rabiôs)
-
v.pron.intr.
(fig.)
pierdi i contats, la familiaritât cun alc o cun cdn., ancje cun reciprocitât:
al veve un sgrisul di malstâ, un slontanâsi une dal altri e no capîsi plui, no cognossisi, e magari finî tal ultin par odeâsi (Dino Virgili, La aghe da pît la cleve);
o sintivi che o jerin daûr a slontanâsi. La vite e veve cambiâts i nestris rapuarts (Carlo Sgorlon, Il dolfin)
Sin. separâsi
, straneâsi
, dislontanâsi
-
v.pron.intr.
vê o cjapâ une distance temporâl, concetuâl, psicologjiche, morâl, di condote e v.i.:
un mont che, ancje chi di nô, si slontane simpri di plui de glesie (Antoni Beline, Aquilee: la preiere di un popul);
l'eletorât devant des barufis si slontane (Sandri Carrozzo, A coventin doi partîts furlans)
Sin. dislontanâsi
-
deventâ mancul probabil, plui dificil di realizâ:
lis prospetivis di un acuardi si slontanarin a man a man che lis relazions tra i doi paîs si levin ruvinant (Alessandro Pascolini, Un mont cence armis nucleârs. Sfidis sientifichis e tecnologjichis)
-
v.pron.intr.
vê une diference, jessi diviers rispiet a un element di riferiment:
chest mût di scrivi lis consonants finâls […] al si slontane dal principi di corispondence fra i suns e lis grafiis (Xavier Lamuela, La grafie furlane normalizade);
une maniere gnove di componi, che si slontane de forme tradizionâl (Alessio Screm, "Sfueâi", antologjie in musiche de poesie furlane)
Sin. dislontanâsi
, distinguisi
, diferenziâsi