dividisi
/-vì-/
di|vi|di|si
[AF]
-
v.pron.intr.
di un element ugnul, pierdi la unitât, o di plui elements unîts o messedâts, no jessi plui unîts o messedâts, formâ doi o plui grups separâts:
dopo dal 1866 il Friûl al à tornât a dividisi in doi: un tierç sot da la Austrie e doi tierçs sot da la Italie (Francesc Placerean, La nestre storie);
al veve fat butâ fûr il Crist che al jere sul cjanton, de bande daûr de culine, propit dulà che la strade si divideve in doi (Pieri Menis, La int)
Sin. separâsi
, disseparâsi
-
v.pron.intr.
podê jessi dividût di une cierte cifre:
il dodis si divît par doi, par trê, par cuatri e par sîs
-
v.pron.intr.
vê une cierte articolazion interne:
il Romanç si divît in Sursilvan e Sotsilvan (Josef Marchet, Autonomie e lengaç);
il progjet di ricercje e formazion si divît in chestis ativitâts […] (Patrizia Pavatti, La tutele de lenghe furlane a scuele)
Sin. articolâsi
, componisi
-
v.pron.intr.
(fig.)
dedicâsi a plui ativitâts o impegns:
dividisi tra lavôr e famee
-
v.pron.intr.
lâ ognidun di une bande divierse daspò che si à fat un toc in compagnie:
diseitghi che i Turcs a no stan ducju insiemit, ma che a si dividaran in tancju scjaps, cui ca cui là, par ducju i paîs (Pier Paolo Pasolini, I Turcs tal Friûl);
al è l'ultin an des mediis e cumò nus tocje dividisi par cjapâ ognun la sô strade (AAVV, Sul florî);
i variis impreviscj de vite a puartin i musiciscj a dividisi (Mojra Bearzot, I ‘Brût & Madone’ a tornin a vierzi il cjôt: ducj di "pogo" cul lôr gnûf album!)
-
v.pron.intr.
di maridâts o convivents o di personis unidis di une relazion, lassâ di stâ insiemi
Sin. divorziâ ipon.
, lassâsi
, separâsi
, molâsi
-
v.pron.intr.
vê une diference o ancje une disconcuardie:
devant di chest libri, i predis a podaran dividisi, pro o cuintri, seont il rapuart che a àn cui agns dal 'Seminari (Rizieri De Tina, Une riflession sul "model educatîf" dai 'seminaris);
l'esempli al insegne che a barufâ dentri il partît, a dividisi, e a cavilâ di teologjie, no si vuadagne cree (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
-
v.pron.tr.
spartî cun altris:
i Romans, la prime robe che a fasevin, si dividevin il teren. A cjapavin dut il teren fin là che ur coventave; ai centurions e ai uficiâi ur davin une fete plui grande; ai soldâts ducj compagns, tant parom (Francesc Placerean, La nestre storie);
dividisi fruçons di finanziaments dispensâts cence une vision strategjiche complessive (Roberto Pensa, «La cuistion furlane che e sedi tal centri des riformis istituzionâls»);
Ugo e Michêl a jerin doi vedrans dal gno paîs che a vivevin bessôi, dividintsi i lavôrs di cjase, di stale e di campagne come brâfs omenuts (Meni Ucel, I laris)
Sin. spartî
, spartîsi
, dividi