lassâsi
la|ssâ|si
[FO]
-
v.pron.intr.
molâ une prese, molâ di fâ fuarce, in mût di colâ o di jessi ogjet di cualchi fuarce o inerzie
Sin. lassâ
, molâ
, molâsi
-
v.pron.intr.
no jessi plui dûr, pierdi consistence, tonicitât, tension:
un piarsul che al si lasse (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. slassâsi
, dislassâsi
, smolâsi
-
v.pron.tr.
lassâ alc par se stes, ancje cun reciprocitât:
a jerin flabis di secui, e ses lassavin di pari in fi, come un cimeli preseât (Dino Virgili, La aghe da pît la cleve)
-
v.pron.tr.
cun funz. causative, permeti a se stes di fâ alc o permeti che a se stes al sucedi alc:
si lassave sorâ e remenâ, tant su la muse che par daûr, sence mai ofindisi (Giovanni Gortani, A la sagre di Mion);
lassantsi colâ su une cjadree, al si cuviarç la muse cu lis mans (Bruno Paolo Pellarini, Ninenane);
si lassà fâ dûl e al judà Meni (Riedo Pup, Meni Elar)
Cfr. fâsi
-
v.pron.intr.
cun reciprocitât, lâ ognidun pe sô strade o intun puest diferent dopo di jessi stâts insiemi:
Meni al veve proponût di bevi un altri tai prin di lassâsi (Gianni Gregoricchio, Îr e doman);
si compuartave tant che un frutut sui prins moroseçs: cuant che si lassavin, une bussade sclete, sclete e vie a cjase (Roberto Ongaro, Cretevierte)
Sin. dividisi
, disseparâsi
, molâsi
-
v.pron.intr.
restâ dacuardi intune cierte maniere:
i vevi palesât il plasê di podê tornâ a stampâ, dopo 400 agns, lis oparis di Luigi Pozzi e Renato si jere subit mostrât interessât al progjet: cussì si jerin lassâts (Pieri Biline, La reditât di Della Torre)
Sin. restâ
-
v.pron.intr.
rompi une relazion soredut di amôr:
"Par une altre reson, par une altre reson, soredut, si sin lassâts: pal to caratar." "Mai che tu disessis: pai nestris caratars." (Ercole Carletti, L'amôr vieri);
daspò di un pâr di agns si sin lassâts cu la morose e, par vie di un amì, mi soi trasferît a Parîs (Dree Venier, Il Fior de leterature (dissegnade));
si jere lassade cun Pieri (Raffaele Serafini, Lupo Manarie e barbe Zuan)
Sin. dividisi
, divorziâ
, separâsi
Polirematichis e espressions idiomatichis
Proverbis:
- fra cjar e ongule no stâ lassâti ponzi