smolâsi
smo|lâ|si
[AF]
-
v.pron.intr.
deventâ mancul dûr:
zontâ ancjemò un cimi di curry, cocins e carotis […]. Cuant che la carote […] si è smolade avonde, zontâ la cjar (Margherita Timeus, Cusine etniche, parinte strete de cusine furlane)
Sin. dismolâsi
, inmorbidîsi
, morbidîsi
-
meti in muel, fâ cjapâ dentri aghe:
se lis semencis si fasin smolâ ta la aghe par cuarantevot oris o ancje mancul, secont che son plui o mancul secjis, e dopo si fasin suiâ in ombrene, e nassin plui prest (Emilia Baldassarre, Ort e cusine)
-
v.pron.intr.
deventâ mancul strent, mancul tirât o vierzisi o disleâsi:
une cjaveglade bionde che va a smolâsi ta la aghe clipute (Nadia Pauluzzo, Fantasimis)
Sin. dismolâ
-
v.pron.tr.
fâ deventâ mancul strent, tirât o vierzi o disleâ alc che si à intor o alc di se stes:
e cjaminave par la aghe e chês altris le compagnavin difûr, smolantsi la cinture, sbotonantsi (Dino Virgili, La strade come un destin)
-
v.pron.intr.
(fig.)
di alc che si pues calcolâ dûr o ingropât o blocât o stratignût, disblocâsi:
in prin la sô fuarce gnervose e resisteve po si smolave a planc a planc (Maria Forte, Cjase di Dalban)
Sin. dismolâsi
-
v.pron.intr.
(fig.)
tacâ a vê sintiments, sensazions o pinsîrs di comprension, compassion, solidarietât, disponibilitât e v.i.:
"Ogni an che al è an sin simpri di chê… nol si smole par nuie, dûr come un clap… Ma isal mai pussibil che un pari al puedi mantignì un rusin cussì grant tal cûr? […]" (Pieri Somede dai Marcs, Gnot di Nadâl)
Sin. dismolâ
-
pierdi la inibizion o la prudence o la mancjance di fiducie:
"Di po, Guido, spietistu l'ultin bal o ti smolistu prin, cheste volte?" (Roberto Ongaro, Cretevierte);
la frutate si smolà in bussadis cu la Siore e in confidencis cun chei altris (Maria Forte, Cjase di Dalban)
Sin. vierzisi
-
v.pron.intr.
slargjâsi, lâ ator:
in prin cualchi colp al fale, po il cordo si smole a larc, potent, armoniôs intun sunâ gjenerôs di fieste (Pieri Somede dai Marcs, L'ultin cordo)
Sin. slargjâsi
, spandisi