spandisi
/-à-/
span|di|si
[AF]
-
v.pron.intr.
di un licuit, colâ e slargjâsi:
il vin a si sclipigne de butilie te tace, spandintsi un pôc ancje sul ros cjariesâr de taule (Sandri Di Suald, Ah! la provincie)
Sin. strucjâsi
-
v.pron.intr.
spandi alc intor di se, intor di alc che si à intor o cun reciprocitât
-
v.pron.intr.
(ancje fig.)
vê une espansion, lâ intun spazi a man a man plui grant:
tal scûr si spandin i prins glons de gnot dai madins (Pieri Menis, Nadâl ancje par Gjelmin);
si spandeve pe cusine come un odôr di pan cuet (Catarine Percude, La fuiace de Madone)
Sin. slargjâsi
-
jessi savût ator:
si jere spandude le vôs che Vigjute di Nani si maridave cun Nardon (Pieri Somede dai Marcs, Nardon e Vigjute di Nani)
Sin. slargjâsi
, sparniçâsi
, sparpagnâsi
-
deventâ plui difondût, plui praticât e v.i.:
l'ûs dal ordenadôr par fâ art si è spandût a dutis lis arts visuâls (Erika Adami, La tecnologjie e devente cjalde)
Sin. slargjâsi
, cjapâ braç
, cjapâ pît
, sparniçâsi
, sparpagnâsi
-
v.pron.intr.
(fig.)
vê o fâ une manifestazion vierte, vive, sintude, bondante:
e jere puartade a spandisi in afiet e a vierzi i braçs a ducj (Maria Forte, Cjase di Dalban)
Proverbis:
- nol vâl tignî sierade la spine se il vin si spant pal cjalcon