cjapâ pît
[CO]
-
loc.v.
di un fenomen, di une ativitât, di une mode, di une idee, di une dinamiche e v.i., inviâsi e slargjâsi ben:
intant il mâl al cjapave pît, par tancj miedis che a vessin clamât, e lu disfave a tossudis (Maria Forte, Cjase di Dalban);
il puest di Aquilee romane, al fo cjapât da Cividât langobart: une gnove prosperitât, un gnûf splendôr e une gnove art e cjapà pît e si svilupà te capitâl dal ducât (Josef Marchet, Cuintristorie dal Friûl fin sot la Italie);
nol veve di sigûr simpatie pai mazzinians e ancjemò mancul pai moviments socialiscj che a scomençavin a cjapâ pît a Vignesie (Giovanni Pillinini, Zuan Batiste Cavedalis - Une vite esemplâr)
Components:
Proverbis:
- bisugne curâ il mâl denant che al cjapi pît