Dizionari de Lenghe Furlane

molâsi  mo|lâ|si  [AF]

1. v.pron.intr. no tignîsi plui un cun chel altri:  lis fantatis che a vignivin a bracet a plene strade, si molin (Pieri Menis, Chei di Muraie)
   Sin. lassâsi
2. v.pron.intr. no tignî plui se stes intune cierte posizion o tacât intor di alc, lassâsi lâ, fâsi colâ:  ma in chel jù dal arbul al si mole un sarpint, al si tortole intor di lui e al fâs par copâlu (Dolfo Zorzut, La ingratitudin dal on); molâsi a cavalot dal passeman sbrissant jù fin abàs (Ivano Urli, Storie di Vera)
   
   1. no stâ plui fer, movisi:  il muini come il solit al è lât a sunâ la Avemarie, ma ce isal? la cuarde no scor e la cjampane no si mole (Pieri Somede dai Marcs, La ultime baronade)
3. v.pron.intr. no jessi plui in tension:  i muscui si jerin molâts e dut il cuarp di jê si jere bandonât (Gianni Gregoricchio, Îr e doman); finalmentri si rive a tirâ flât, stant che la cuarde tor dal cuel dai stâts nazionâi e je daûr a molâsi un tic (Dree Venier, Acuilis e canarins)
   Sin. smolâsi
   
   1. no vê plui resistence, contrarietât, ostilitât e v.i.:  "Tu, par esempli, no i staressistu, no varessistu ancje tu plui coragjo se ancje jê si molàs un freghenin" (Costantino Smaniotto, Co l'amôr al cimie)
4. v.pron.intr. no stratignî une azion, une manifestazion, une espression e v.i.:  la frutate si molà a vaî strenzint il frut (Anna Burelli Delendi, Il nevôt… par cussì); lis mussis si molavin ogni volte a dute corse, tornant cjase la sere de campagne, man a man che si faseve dongje la stalute tal curtîl dal Blanc (Ivano Urli, Il mus di Tite)
5. v.pron.intr. no stâ plui leâts intune relazion sentimentâl:  si jerin molâts dopo cinc mês che a morosavin (Franco Marchetta, Il numar 1089); gno nono al dîs che cumò al è masse un cjapâsi e molâsi, che lis zovinis a van cun ducj e che lis storiis di amôr a valin come une cjiche (AAVV, Sul florî)
   Sin. lassâsi
6. v.pron.tr. dâ alc a se stes o cun reciprocitât:  "Ma inalore e je clare la rason pa la cuâl!…" (Si mole un pugn tal çarneli) (Arturo Feruglio, L'ultin di carnevâl là di Plet); o podìn molâsi une biele bussadone (Arturo Feruglio, Viaç a Vignesie)
   Sin. dâsi

Polirematichis e espressions idiomatichis

• molâsi jù loc.v.