Dizionari de Lenghe Furlane

puce  pu|ce  [AF]

1. s.f. odôr trist:  si faseve fûc cu la torbe, un fugarel cence flame che al jemplave par dut di une puce che si tacave intor e di fum che al faseve dulî i voi (Pieri Menis, Il cuader de none); mi faseve stomi la sô puce di sudadiç (Gianni Gregoricchio, Trê feminis); o sint l'odôr de tele militâr misturade a la puce de naftaline (Checo Tam, Neapolis)
   Sin. brut odôr , fetôr , peste¹ , pestilence , trist odôr , tuf
   Var. spuce
2. s.f. [BF] odôr fuart, ma no trist
3. s.f. [BF] emission di gas intestinâi
   Sin. pêt , pedeade
4. s.f. [BF] viôt puce sot dal nâs
5. s.f. [CO] (fig.) cuistion problematiche, intrigose, fastidiose e v.i.:  a son stâts fats i conts: 23,7 milions di euros rivâts de Union Europeane plui centenârs di miârs di euros zontâts ogni an de Regjon pes Cooperativis di gjestion des struturis. […] E chi a tachin lis pucis […] (David Zanirato, Turisim e albiercs difondûts in mont)
   Sin. fastidi , cantin , probleme , cuistion , rogne
6. s.f. (fig.) element che al fâs suspietâ, che al fâs scrupulâ:  al sintive za di vê intorsi chê puce che no plâs a di nissun in chest mont: la puce di traditôr (Roberto Ongaro, Il muc); là che si sintive puce di disubidience, di oposizion, di dissidence a rivavin lis scuadris [fassistis] a dreçâ lis cussiencis (Angelo Floramo, Cuintristorie dal Nûfcent 1920-1930)
   Sin. jenfrisegn , nulôr , odôr , olme , segn , segnâl , spie¹

Polirematichis e espressions idiomatichis

• movi pucis loc.v.

Proverbis:

• ten la puce lontan di cjase