peste1
/pè-/
pes|te
[AF]
-
s.f.
[TS]
med., vet.
non gjeneric di diviersis malatiis epidemichis, ancje mortâls, sedi dal om che des bestiis, in particolâr di chê causade dal bateri Pasteurella pestis:
agns di penurie crudêl e fuarte che a van dal 1628 al 1630, là che vuere, fam, peste e muart a fasin pensâ che la Apocalìs e seti une vore dongje (Angelo Floramo, Des Americhis par continuâ une magjie cun lidrîs profondis);
daûr lis maseriis a finivin di murî i ultins, di peste, e intor al cresseve il desert (Dino Virgili, Cuel Valâr)
Sin. gjandusse
-
s.f.
(fig.)
fenomen storic o sociâl une vore negatîf:
il terorisim, cheste peste dal nestri timp, nus invelegne la vite, nus gjave ogni sorte di sigurece, nus met in forsit ducj i nestris progjets (Antoni Beline, Plui conversion che repression)
Sin. cancar2
, flagjel
, plaie
-
s.f.
(fig., scherç.)
persone o ancje bestie che no si rive a sopuartâ:
"Oh, ce peste di frute!" e comentà sô agne Gjeme, spacant lis spalis (Gianni Gregoricchio, Trê feminis);
agne Mabile la Sorane che si è fate parâ fûr di cjase di ducj i siei fîs, parcè che e je une peste di femine, une sbilfe grintose (Josef Marchet, Lis predicjis dal muini);
«Un gjatat», a disevin tal borc, «une peste, une furie», che no si lassave vicinâ di nissun (Meni Ucel, Il gjat)
Sin. mostri
, trement
, osti
, ostie
, birbe
, osteât
Cfr. plume
, fiube
, blave
, lane
-
s.f.
materiâl de piês cualitât o ancje sostance che e fâs mâl:
formadis fats cun pestis che al è un spieli! (Meni Ucel, Sofisticazions)
Sin. porcarie
, cragne
, mierde
-
s.f.
puce une vore fuarte, odôr che no si rive a sopuartâ:
chê peste di sudôr, di bago, di sporc a fasevin riviel (Dino Virgili, La aghe da pît la cleve);
un sporc, une peste di lisp e di stiç di fâ gomit (Alan Brusini, Amîs come prime)
Sin. fetôr
, pestilence
, puce
, malodôr
, tuf
Proverbis:
- la zulugne e je la peste de jerbe