plaie
pla|ie
[AF]
-
s.f.
lesion di une membrane organiche, soredut croniche o infetade:
[il cjaval] nol jere bon nancje di menâ fuart la code, lungje e sporcje, par parà vie i moscjons che si tacavin par sote di une grande plaie sanganose de sô panzate (Pieri Somede dai Marcs, La cavalarice);
i jere capitât che une plaie sul poleâr di un pît no rivave mai a suiâsi cun nissun onzint (Maria Forte, Il Bide di Miot)
-
s.f.
(fig.)
dolôr interiôr, psicologjic, sentimentâl:
il pinsîr di chê visite mondane lu tormentave. Il non di students e di artiscj i veve vierti tal cûr une plaie antighe che al crodeve vuaride (Zuan Lurinçon, La Madalene);
come un balsim li peraulis da puisia e da beleza e da veretât a passin su la plaia dal so cûr. E al cûr al scomenza a calmâsi (Ugo Pellis, Catinuta)
Sin. dulie
, mâl
, feride
, cruzi
-
s.f.
(fig.)
probleme sociâl une vore difondût e che al è dificil di comedâ:
la grande plaie dal stât talian e je la coruzion stomeose e la onipotence de sô burocrazie (Josef Marchet, Cucagne in viste);
la comission e passe aes necessitâts dal puest: la strade, la scuele, la emigrazion (cheste e je une plaie!) (Alan Brusini, Amîs come prime)
Sin. batidure
, cancar2
, disdite
, disgracie
, flagjel
, mâl
-
s.f.
(fig., scherç.)
persone che si lagne simpri:
"Folc che lu ardi: ce plaie!" (Vittorio Vittorello, A ogni cost)
Sin. caìe
, frigne
, frignot
, implastri
, lagne
, plaiot
, plaie di Avost
, plaie di Egjit
-
persone pôc interessante, pôc vivarose, che e stufe:
mi contave di vê il morôs, inzegnîr, che prest al veve eli sposâle, ma [...] i ere pôc simpatic: plaie lui, e jê zoventût di vendi (Rinaldo Vidoni, I pins di Sant Cjandit)
Polirematichis e espressions idiomatichis
Proverbis:
- il ciroic dulinciôs al fâs la plaie verminose
- il timp al sane ogni plaie
- la vendete no sane dutis lis plaiis
- miedi pietôs al fâs la plaie puçolente