tuf
tuf
[AF]
-
s.m.
[CO]
il respirâ, il soflâ e l'aiar che al ven respirât o soflât:
lis breis che a lassavin travanâ il tuf cjalt des vacjis (Antoni Beline, La fabriche dai predis)
Sin. respîr
, soflade
, sofli
, flâf
-
respîr improvîs e involontari che si fâs fadie a stratignî:
i vignive sù pal sgrasaiâr un tuf di ridi (Gianni Gregoricchio, Îr e doman)
-
emission o inspirazion di aiar, vapôr e v.i.:
al jere daûr a travasâ il vin za dispoiât, e al jere capitât sù imboreât te muse e il cjâf flusc par vie dal tuf che al veve tirât sù pe canucje (Maria Forte, Cjase di Dalban)
-
fonosimb.
riproduzion dal sun dal soflâ o di aiar che al jes a pression:
a rivin corieris / van, tornin dai viaçs, / a mangjin lis stradis / ducj van come mats / a no àn timp di piardi / cui isal daûr / che al sofle e ju sburte? / Il diaul di sigûr. / Tuf tuf! pa pa! Al rive! (Maria Gioitti del Monaco, Pa stradis da citât);
mao! marmao! mao! marmarmao! Tuf ! Tuf tuf! uhuu! Gnargnorgni! (Toni Broili, I gjats)
-
s.m.
[CO]
(fig.)
moviment improvîs o sensazion improvise:
un tuf di sanc i fasè saltâ il cûr tal stomi (Pieri Menis, Sul agâr);
al sintive tufs di cjalt par dute la vite, al strenzeve i pugns te sachete, si muardeve i lavris (Dino Virgili, La aghe da pît la cleve)
Cfr. bugade1
, sbroc
, onde
-
s.m.
[AF]
odôr penç o bugade di odôr penç:
a ret dal Bacar al jessive un tuf di bacalà cuinçât cun vueli e ai (Pieri Menis, Chei di Muraie);
un tuf trement di sudôr e di cragne che ti cjoleve il flât (Enrico Martina, Ricuarts e inlusions)
Sin. puce
, odôr
Cfr. peste1