onde
/ò-/
on|de
[FO]
-
s.f.
plee de superficie de aghe, provocade dal so stes moviment o ancje dal soflâ dal aiar o di un impuls:
chel cuadri di mâr e di monts al veve seguitât a mudâsi ogni moment, cul sdanzâ dai riflès des aghis, cul nassi di piçulis ondis biel che e jere nassude dal Nord une bavesele a pene soflade (Agnul di Spere, Int no consumade);
lis ondis sbatevin simpri plui fuart, e ogni volta che lis dôs barcjis pareva che dovessin tocjâsi, una gnova ondada lis divideva indaûr (Federigo Comelli, Il me paîs);
a pene che o viodevi il suri a sbassâsi fasint une onde plui grande di chês altris picininis di prin: tac!: une tirade ae cjane (Lucio Perès, A pescje tal suei)
Sin. ondade
, vongule
-
s.f.
forme o fenomen che al pues ricuardâ in cualchi maniere il moviment de aghe in cualsisei altri materiâl o ancje in moviments, figuris e v.i.:
Pauli al cjalave il flum e la planure ucraine, dute a grandis ondis (Agnul di Spere, Cjalant la rive);
i à tosade a taps la biele cjavelade che prime i leve jù a ondis (Ivano Urli, Storie di Min)
Sin. vongule
-
s.f.
[TS]
fis.
moviment periodic di ossilazion sei tai mieçs materiâi sei dai cjamps eletromagnetics:
la lûs dal dut polarizade (in maniere lineâr) e je une onde che e varie suntun plan unic, chel individuât dal vetôr di polarizazion e de direzion di propagazion de lûs (Marisa Michelini, Alberto Stefanel, La polarizazion de lûs);
al spostave di continui il so argagn riveladôr di ondis fintremai che, lunc une parêt dal tinel, lis speris dal contadôr a tacarin a lâ sul massim (Checo Tam, X-Reihen)
Sin. ossilazion
, vibrazion
Polirematichis e espressions idiomatichis