Dizionari de Lenghe Furlane

predelâ  pre|de|lâ  [AF]

1. v.tr. zontâ un cjaval o un nemâl in plui par judâ a tirâ un cjar o une caroce
   Var. prudelâ , prodolâ
   
   1. judâ un veicul a lâ indevant
   2. (fig.) stâ dongje, in sens fisic o ancje afetîf, morâl, sentimentâl, economic e v.i.:  ancje jê si peave ogni tant daprûf di Bortulat, cuant che no veve cualchi finançot a predelâle (Josef Marchet, Lis predicjis dal muini)
2. v.tr. (fig.) cirî di permeti a alc o a cdn. di vê sucès o di rivâ a obietîfs o a cundizions buinis:  predelâ il resurî dal gnûf spirt de vegjetazion de muart dal Invier (Mario Martinis, La Mieze Cuaresime)
   Sin. assisti , judâ , favorî , parâ , tignî man , tignî sù , zovâ , poiâ , sostignî , promovi , puartâ indevant
   Cfr. protezi , difindi , tutelâ