Dizionari de Lenghe Furlane

nucli  nu|cli  [CO]

1. s.m. part plui interne e centrâl di alc
   Sin. nusel , centri , cûr
   
   1. [TS] biol. part plui o mancul sferiche dentri des celulis eucariotis, che e à dentri il materiâl gjenetic:  organisims unicelulârs, dai dominis dai Bacteria e dai Archaea, ducj cence nucli (procariots) (Angelo Vianello, La evoluzion su la tiere. Une storie di competizion e cooperazion)
   2. [TS] chim., fis. part dal atom formade di protons e neutrons:  lis fuarcis a son diretementri o inviersementri proporzionâls al cuadrât da la distance, almancul se o considerìn lis fuarcis esternis ai nuclis (Lorenzo Marcolini, L'articul di Einstein dal 1905 sul efiet fotoeletric. Un lavôr plurilengâl voltât in lenghe furlane)
   3. [TS] gjeol., astron. part centrâl di un planet o di un altri cuarp celest:  i sienziâts a àn viodût che i salts improvîs a coincidin cu lis flutuazions dal cjamp magnetic de Tiere, che a dipendin di chês corints eletrichis che si gjenerin tal nucli (Cristina Minuzzo, Gotis di sience 2)
2. s.m. part plui carateristiche e essenziâl:  i indagadôrs invezit, no rivant a capî robis cussì fûr des lôr concezions, a cirivin di stramudâlis e di sfuarçâlis par fâlis jentrâ tal stampon ben cognossût de cunvigne des striis, ma tantis voltis no rivavin adore di scancelâ il nucli origjinari des crodincis tradizionâls (Sandri Carrozzo, Jenfri vîfs e muarts)
   Sin. base , essence , fondament , fonde , gnerf , grop , medole , sostance , vues , cûr , centri
3. s.m. grup di elements, in particolâr di personis o edificis:  Sant Svualt al è un piçul nucli di cjasis in comun di Sant Martin di Voleson (Barbara Cinausero, Ermanno Dentesano, Sant Svualt)
4. s.m. grup di personis che a colaborin par un obietîf precîs, in gjenar fasint part di une organizazion plui grande:  il comandant dal nucli investigatîf [dai carabinîrs] (Redazion il Diari, Sdrumade a Pordenon la bande "Bassotti")
   Sin. repart , scuadre , sezion