essence
/-èn-/
e|ssen|ce
[CO, TS]
-
s.f.
filos.
complès des cualitâts costitutivis e fondamentâls di alc:
chest no savê e je la risultive di ogni esperience, il troi che al pues puartânus a sbregâ il vêl des formis che al scuint la vere essence (Fabian Ros, Il lôf)
-
s.f.
[CO]
part plui impuartante di alc:
inte biele presentazion di pre Antoni Beline e je sierade dute la essence di chest libri (Venusia Dominici, Mi ven di ridi)
Cfr. struc
, vues
, medole
-
s.f.
chim., farm.
sostance cun alte concentrazion di principis aromatics:
cheste essence di jarbis, che à cent agn / di prove, chest licôr che nus racree / il gosolâr e che no 'nd è un compagn, / si clame … - us pant il nom e po us saludi - / la flôr di ducj i amârs: l'amâr di Udin (Ercole Carletti, L'amâr di Udin)
-
s.f.
agr.
specie di arbul o di arbossit:
i prâts a son semenâts ognidun cun dîs essencis (Stefania Garlatti Costa, I cjamps di blave? Un desert ecologjic)
-
marang.
len di une cierte specie vegjetâl:
[tal fâ struments musicâi] al jere specializât tal doprâ materiâi di lus, tant che l'avoli, l'arint e essencis di palissandri (Alessio Screm, Giovanni Maria Anciuti: di Fors Disore a Milan)