scuadre
/-à-/
scua|dre
[FO]
-
s.f.
grup di personis che a colaborin par une ativitât:
Nibale al jere a vore suntune fornâs in France cuntune scuadre di furlans (Meni Ucel, Orazions);
une scuadre di ricercjadôrs de Universitât di Udin e à ideât un implant pe produzion di energjie solâr fat di spiei in batarie (Redazion il Diari, Il soreli intun spieli)
-
s.f.
grup di atletis o zuiadôrs, o ancje pedinis o tocs di zûc, che a zuin insiemi o che a stan de stesse bande:
o viôt miôr Brasîl, Ingletiere, Spagne… a son dutis scuadris fuartonis. O pensi che la Italie e podarà dî la sô, ancje se mi somee dure che e rivedi a puartâ a cjase la Cope dal Mont (Christian Romanin, Dino Zoff: «O vin lidrîs buinis, o vin di tignîlis di cont»);
il Nino al zuiave cun La Rovente, la scuadre di balon dal Sante Marie (Ivano Urli, Veruska)
Sin. formazion
, grup1
-
s.f.
[TS]
milit.
il plui piçul grup dal esercit, formât di uns dîs soldâts e comandât di un sotuficiâl o di un uficiâl:
ogni tant une scuadre cui mûi, e lave jù tai paîs, Tulmin, Cjaurêt, Pleç, a fâ rifurniment di mangjative, armis, munizions e altris stocs (Alan Brusini, La cartuline);
il comandant, cun dute calme, dopo di vê inschiriât denant di lôr la scuadre che e veve di fusilâju, ur disè […] (Roberto Ongaro, Il muc)
-
s.f.
[TS]
stor.
grup di fassiscj pront a intervignî in maniere violente:
passe 10.000 elements judicâts pericolôs pe publiche sigurece […]. Dute cheste int, dongje di dâ oms pes scuadris fassistis, e veve une funzion di snazionalizazion (Carli Pup, La seconde Irlande)
Sin. scuadrate
, scuadrace
-
s.f.
grup di personis dât dongje di un cualsisei rapuart, par esempli di amicizie, di interès, di ideis e v.i.:
Toni e Tilio, i plui grancj de scuadre [di amîs], a van li di Silvio a scusâsi e a domandâi dai colaçs [robâts di un lôr amì], trops che a 'nd jere, par paiâlu lôr di persone (Meni Ucel, I colaçs)
Sin. bande
, briade
-
s.f.
(iron., ancje spres.)
grup di personis, in acezion in cualchi maniere negative:
Pertini al torne a Rome par vie che nol po infidâsi a lassâ bessôi chê scuadre che al à al guvier (Riedo Pup, Ce doi sul Adamello!);
cjaliju li, ce scuadre….
Sin. clape
, cubie