formazion
/-òn/
for|ma|zi|on
[FO]
-
s.f.
il formâ, il formâsi e il lôr risultât:
a viodi cun favôr il procès di formazion dal stât cu lis sôs misuris centralistichis, e jere soredut la classe dai marcjadants, dai ban (Fabian Ros, La invenzion dal stât);
la atmosfere e pues deventâ avonde instabile par determinâ lis primis jevadis spontaniis di aiar cjalt di tiere: in cheste maniere al scomence il procès di formazion di un temporâl (Stefano Micheletti, Marcellino Salvador, Notis di meteorologjie pal Friûl - Vignesie Julie)
Sin. composizion
, costituzion
, creazion
, fondazion
, gjenerazion
-
s.f.
(fig.)
cressite psicofisiche, morâl, inteletuâl e v.i.:
pre Checo al jere stât par me un riferiment de mê prime formazion politiche (Adrian Cescje, Memoriis di politiche linguistiche)
Sin. educazion
, disvilup
-
preparazion professionâl o par funzions specifichis:
si à dibisugne di inviâ dai percors di formazion modulârs pai docents (Patrizia Pavatti, Insegnament dal furlan - la norme "in situazion": tra regulis e plan de ufierte formative);
al inmanee cussì un cors di formazion gjornalistiche pai colaboradôrs, cun la partecipazion dal president dal Ordin dai gjornaliscj de regjon (Max Mauro, Un Friûl difarent: i 90 mhz di Onde Furlane)
Sin. istruzion
-
s.f.
[TS]
milit.
disposizion che si cjape tai combatiments o tai moviments di reparts militârs e di mieçs
Sin. schiriament
-
s.f.
[TS]
sport
disposizion dai zuiadôrs par frontâ un incuintri:
jo no seguìs nancje plui lis partidis e no ten aments lis formazions (Checo Tam, Subbuteo)
Sin. scuadre
-
s.f.
cualsisei grup di personis che si dan dongje par fâ alc insiemi, par rivâ a un obietîf condividût e v.i.:
Elsa Martin, cjantante impegnade in diviersis formazions musicâls di jazz e musiche improvisade (Erika Adami, "Amôrs" in musiche);
il grup di Autonomie Furlane, une gnove formazion politiche nassude a metât dai agns otante (Max Mauro, Un Friûl difarent: i 90 mhz di Onde Furlane)
-
s.f.
[TS]
gjeol.
complès di crets cun carateristichis litologjichis comunis:
la cjarte gjeologjiche e je la rapresentazion des formazions di crets che a rivin in superficie (Francesco Gobbo, Gjeologjie e paleontologjie ator di Preon)
-
s.f.
[TS]
bot.
associazion di plantis cun forme biologjiche e fisionomie che si somein e che a stan cul ambient:
il clime, cun di plui, tai siei elements caraterizants, al determine i limits altimetrics des formazions vegjetâls (Mauro Pascolini, Andrea Guaran, La mont furlane)
-
s.f.
[TS]
anat.
complès di elements anatomics che a fasin une cierte struture:
la ativitât de amigdale e chê de formazion ipocjampâl a podaressin jessi responsabilis de ipermnesie dal sium REM (Anastasia Fabbro, Franc Fari, Sui insiums di Aelius Aristides: une analisi neuropsicologjiche)