introdusi
/-ù-/
in|tro|du|si
[AF]
-
v.tr.
meti dentri, fâ jentrâ:
par introdusi un solit (il fosfar) te ampole, cheste e veve di jessi vierte, duncje plene di aiar (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
Sin. meti dentri
, meti
-
v.tr.
fâ jentrâ cdn. intun puest:
il grant citadin dovè, nolens volens, pazientâsi par un altri pâr di oris. Finalmenti i tocjà ancja a lui a jessi introdot (Zuan Luîs Filli, Il grant citadin)
Sin. menâ
, puartâ
, compagnâ
-
fâ cognossi cdn. o lis sôs ideis tun ambient:
Zuan di Udin al mûr a Rome tal 1561, li che al jere tornât par introdusi ancje i siei fîs intal mont artistic de capitâl (Luca De Clara, Zuan di Udin);
al podeve zovâ ae nestre cause […] se o vessin rivât a introdusi Salvi tai ambients politics e inteletuâi furlans cun scrits, intervistis e conferencis (Adrian Cescje, Memoriis di politiche linguistiche)
-
v.tr.
fâ jentrâ tal ûs:
o savìn che tal progjet di autonomie mandât a Rome pe aprovazion al è stabilît che il lengaç ladin al devi jessi uficialmentri ricognossût e introdusût intes scuelis (Josef Marchet, Autonomie e lengaç);
[tal Votcent] a vegnin proponudis e introdusudis vîts francesis, tant che Merlot e Cabernet (Enrico Peterlunger, Storie curte de vît in Friûl)
Sin. difondi
, insedâ
, meti
Cfr. impuartâ2
-
fâ jentrâ in vore:
viodi se al fos stât il câs di introdusi cualchi buine riforme inte proprie aministrazion (Luigi Gortani, Il prin gjat a Glemone)
-
v.tr.
fâ une introduzion, une presentazion, fâ scomençâ:
o ai introdusude la sentade cuntun coment de letare di Moret inviade a chei de Comission e al assessôr (Adrian Cescje, Memoriis di politiche linguistiche)
Sin. inviâ
, scomençâ
, tacâ
, començâ
, presentâ
-
v.tr.
zontâ intune discussion, intun complès di argoments o cognossincis:
stant che cuantizâ al vûl dî introdusi inte dinamiche une sorte di Principi di Indeterminazion, chest al compuarte che - a nivel fondamentâl - ancje la gjeometrie dal spazitimp e à une sorte di indeterminazion (Sergio Cecotti, Teologjie algjebriche)
Sin. zontâ
, puartâ
, insedâ
-
v.tr.
scomençâ a insegnâ, scomençâ a fâ vê cognossince di une materie, di un argoment e v.i.:
si trate di un libri che al introdûs a la materie, esplicant i concets, i metodis, i esemplis e i risultâts fondamentâi (Sergio Cecotti, La analisi matematiche seont i furlans)
Sin. svicinâ
-
v.tr.
[TS]
gram.
di preposizions e coniunzions, jessi l'element iniziâl di un complement, di une costruzion, di une proposizion