Dizionari de Lenghe Furlane

meti dentri    [AF]

1. loc.v. meti intun contignidôr o intun spazi sierât o confinât o in profonditât:  al firmà l'assegnât, al preparà un biliet e intune buste al metè dentri l'assegnât e il biliet (Angelo Covazzi, Jacum in bancje); la man i trimave, e stentà a meti dentri te buse la clâf par viarzi il puarton (Jolanda Mazzon, Fûr di timp)
   Cfr. introdusi , parâ dentri
   
   1. sedi di alc di materiâl che di imateriâl, fâ jentrâ intune categorie, intune situazion, intune cundizion e v.i.:  si domande che si meti dentri inte Convenzion europeane su la tutele dai dirits dal om e su lis libertâts fondamentâls un protocol in plui che al feveli des minorancis (Marc Stolf, Minorancis linguistichis); il tai che o ai dât ae mê ricercje nol permeteve di meti dentri dut chel che al è passât pes stanziis di Vie Volturno e di Plaçâl Cella dal 1980 incà (Max Mauro, Un Friûl difarent: i 90 mhz di Onde Furlane); ogni volte che ti disin alc a àn di meti dentri a plen peraulis stupidis e volgârs (AAVV, Sul florî)
2. loc.v. doprâ un ingredient intune preparazion:  " Bêf chest brulè; i ai metût dentri un tic di canele e un biel pôc di zucar, ti smolarà la tos" (Pieri Somede dai Marcs, Un pugn di moscjis)
3. loc.v. meti in preson o in altris struturis li che la libertât e je limitade:  "E chei da la cuesture no stan a cincuantâ… nus metin dentri daurman […]" (Pieri Somede dai Marcs, Cjase di fitâ)

Components:

• dentri av., prep., adi.inv., s.m.sing., s.m.inv.
• meti v.tr.