crevâ
cre|vâ
[AF]
-
v.tr.
rompi cun fuarce, spec. alc di dûr o resistent:
l'aiar e il pês de nêf a vevin crevât i pâi e rot i fîi [dal telegraf] (Pieri Somede dai Marcs, 11 di Fevrâr 1929);
al cjapà sù la pale e i crevà il mani cuintri il zenoli, come se al fos stât un stec (Carlo Sgorlon, Prime di sere)
Sin. rompi
, sclapâ
, frantumâ ipon.
, fruçonâ ipon.
, sglovâ ipon.
-
(fig.)
rompi o distruzi ancje alc di imateriâl:
la mê azion di crevâ i confins dal provincialisim culturâl e filologjic dai furlans e à fat un altri biel pas indenant (Adrian Cescje, Memoriis di politiche linguistiche);
ogni plui piçule variazion di cheste teorie e creve l'ecuilibri e o tornìn a vê inconsistencis no riparabilis (Sergio Cecotti, Teologjie algjebriche)
-
(fig.)
interompi la continuitât di alc:
a tradiment une saete e crevà il cîl su la cueste dal flum cuntune lûs celestine che e inluminà alc tai voi di Nita (Dino Virgili, La aghe da pît la cleve);
infin, Odile e veve crevât il fîl dai siei pinsîrs cuntune berlade, ofindude dal fat che lui nol jere stât a sintîle (Franca Mainardis, Il sium di Lissandri)
Sin. rompi
, interompi
, taiâ
, çoncjâ
-
v.tr.
(ancje ass.)
rompi e tirâ jù o tirâ vie alc, spec. une part di une plante:
o capìs che la Rose vei la spine / par difindi, se po, il so flôr tant biel, / cuant che a crevâjal cualchidun si ustine (Emilio Nardini, La Rose e la Urtie);
al crevave une rose e le impirave te asule dal golâr par tignîsi plui dongje dut il dì il so nasebon (Maria Forte, Cjase di Dalban);
par in chê sere no si fevelà di altri in dutis lis cjasis dal paîs e vie pe setemane, pai cjamps a crevâ, pai prâts a tirâ dongje altiûl o te torbere (Pieri Menis, Une cotule pal dì de sagre)
Sin. cjoli
, cjapâ
, cjoli sù
, cjapâ sù
, tirâ sù
, racuei
, cuei1