cuei1
/-é-/
cuei
[AF]
-
v.tr.
meti une mangjative sul fûc o tal for o sim. par preparâle di mangjâ:
i « risi e bisi» si fasin cul pestât di savôrs e cualchi fuee di fenoli. A vegnin cuets tal brût di vues (Arturo Feruglio, Viaç a Vignesie);
[il cjaçadôr] al puarte a cjase trê pernîs e al racomande ae femine di cueilis une vore ben (Popolâr - Andreina Nicoloso Ciceri, Lis pernîs - Racconti popolari friulani I);
miôr cuei la cjar e il pes sore la gridele o la lastre o a vapôr, cence doprâ cuincis plenis di gras (Guglielmo Pitzalis, Mangje san 3)
Sin. cusinâ
, brustulâ ipon.
, bulî ipon.
, dislidi ipon.
, frizi ipon.
, lessâ ipon.
, rustî ipon.
, scotâ ipon.
, stofâ ipon.
-
di fûc, flame, temperadure e v.i., trasformâ une pitance, in gjenar fasint che e vedi une altre consistence e che e sedi plui buine e plui facile di digjerî:
il bonodôr di jerbis bagnadis e di fogolârs che a vevin a pene cuete la cene (Adrian Cescje, Memoriis di politiche linguistiche)
-
v.tr.
mudâ lis proprietâts di un materiâl midiant dal fûc o dal calôr:
in chê stagjon no vevin cuet dut il modon che a vevin formât (Roberto Ongaro, Cretevierte);
al stave dut tal cuei ben, il lavôr de fornâs (Maria Forte, La tiere di Lansing)
-
v.tr.
(fig., ancje ass.)
fâ sintî une vore di cjalt:
il savalon al scotave. Il soreli al cueieve dut (Checo Tam, La vuere di Checo)
Sin. brusâ
, scotâ
-
v.tr.
(fig., coloc.)
stracâ dal pont di viste fisic o psichic:
dut chel studiâ mi à cuet, o ai bisugne di polsâ
Sin. disfâ
, dispompâ
, esaurî
, sfinî
, sflanchî
, slancâ
, stracâ
, brusâ
, scunî
-
v.intr.
trasformâsi par efiet dal calôr:
a son juste daûr a cjapâ sù patatis pe campagne, bielis patatonis todescjis che po a fasin cuei al vapôr (Ivano Urli, Storie di Vera)
Sin. cueisi
Polirematichis e espressions idiomatichis
