çoncjâ
çon|cjâ
[AF]
-
v.tr.
taiâ in maniere nete:
il vecjo i mostre un ramaç di masse, che al è ben tirà vie, e Mondo a sun di massanghete lu çoncje net (Maria Forte, La tiere di Lansing);
o jeri daûr, vuê di buinore, a cuinçâ il vignâl, e i cjâfs des vîts, par ordin che ju çoncjavi cu lis fuarpiis, mi vaìvin in man (Josef Marchet, Lis predicjis dal muini);
al pierdeve zornadis interiis pes stradis dal paîs a çoncjâ cu la ronconele baraçs e saût che a menavin pardut (Meni Ucel, Il telegram)
Sin. smoçâ
, taiâ
, tolpâ
, troncâ
, çocâ
, çoncolâ
, çopâ
, scjavaçâ
Var. cjonçâ
Cfr. spedâ
, spironâ
, cimâ
-
fâ pierdi in maniere traumatiche o chirurgjiche une estremitât dal cuarp:
la sporte a jere biele penze, plene di chei deduts che, un par volte, a jerin stâts çoncjâts (Stiefin Morat, Musets)
Sin. amputâ
-
v.tr.
(fig.)
dividi in doi passant par mieç:
"Nus e robin [la tiere]!" al rugnà il Ghigne fissant jù cui voi danâts la rie di pichets che a çoncjavin tal mieç la campagne (Dino Virgili, La aghe da pît la cleve)
Sin. dividi
, separâ
, taiâ
, scjavaçâ
-
v.tr.
(fig.)
interompi a sec:
ancje lui si visave che la robe e jere masse grivie par un frut e une siore e alore al çoncjave il discors (Alan Brusini, Come tai romançs);
cun chê letare, jê i diseve che al sarès stât miôr çoncjâ la lôr relazion, fermà di scrivisi, dismenteâsi (Roberto Ongaro, Il muc)
Proverbis:
- il Signôr no ur da i dincj ai crots par che no çoncjin il palût