scjavaçâ
scja|va|çâ
[AF]
-
v.tr.
fâ in mût che alc si dividi a sec par traviers:
Tori al scjavaçà cu la manarie doi ramaçs par vierzi la strade e al fasè passâ Angjeliche (Dino Virgili, Devant di dut il cîl);
al jere rivât a scjavaçâ la cjadene cuntun colp di mai (Carlo Sgorlon, Prime di sere);
une svintule di fusilarie e scjavaçà di colp tal mieç la stangje de bandiere rosse (Pieri Menis, Sul agâr)
Sin. taiâ
, çoncjâ
Cfr. rompi
, seâ
, sclapâ
, crevâ
, tolpâ
-
v.tr.
(fig.)
passâ là di là, passâ a traviers o jessi a traviers:
cuntun salt al scjavaçà il tramês e al corè daûr di jê (Gianni Gregoricchio, Trê feminis);
lis muraiis a partivin de torate dai Masots, a scjavaçavin la braide Costandin, chê di Cavalon, fin sul ronc di Pelôs, par plombâ jù pe rive di Lessi (Alan Brusini, Come tai romançs);
la strade di Jerusalem e scjavaçave il stelât cu la sô gale latisine (Roberto Ongaro, Il muc)
Sin. taiâ
, passâ
, traviersâ
-
v.intr.
passâ par un ciert puest, fûr de strade mestre, par lâ plui dret di une cierte bande:
Zuanat, su la ore di gnot, al veve scjavaçât fûr pai passadôrs dal Luri e po sù pai roncs, fin alì dai Cjasâi di Cleve, rimits in cuc dal cuel (Dino Virgili, La aghe da pît la cleve)
Sin. taiâ
