separâ
se|pa|râ
[AF]
-
v.tr.
(ancje fig.)
fâ che alc, ancje un complès di elements o personis, al pierdi la unitât, si dividi, gjavâ un element o une persone di une union, di une compagnie e v.i.:
[i politics] a disevin che al jere impussibil separâ il Friûl dal Venit, che a saressin vignudis fûr dome disgraciis, che il Friûl nol podeve stâ di bessôl (Dree Valcic, A lezion di Friûl cun D'Aronco: la racuelte dai siei editoriâi dai ultims agns)
Sin. dividi
, disseparâ
, diszontâ
, discjoli
, dislontanâ
, distacâ
, tirâ vie
, puartâ vie
-
jessi tal mieç jenfri doi elements, lûcs, personis e v.i.:
une alte cjarande e separe la vilute di chês altris (Sandri Di Suald, Ah! la provincie);
al jere montât in machine, par fâ chel ultin toc di strade che a lu separave dal "cjasalat" (Franca Mainardis, Il sium di Lissandri)
-
v.tr.
considerâ par so cont, considerâ in maniere indipendente o dividude di alc altri o di altris elements:
une cussience che si studave e no saveve plui separâ il ben dal mâl (Maria Forte, La tiere di Lansing)
Sin. distingui
, dividi
, individuâ
, discriminâ
, dicerni