interompi
/-ò-/
in|te|rom|pi
[CO]
-
v.tr.
fermâ alc prime che al sedi finît:
se a àn voie di interompi il contrat o lâ indevant, che mal disin cence tantis menadis (Raffaele Serafini, B123ST)
Sin. fermâ
, rompi
-
fermâ cdn. o alc prime che al vedi finît la sô azion:
chê comission e varès tacât a lavorâ par un test unificât di une leç cuadri di tutele tai prins mês dal 1983; po e fo interote par vie che e finì in maniere anticipade la legjislature (Adrian Cescje, Memoriis di politiche linguistiche)
-
v.tr.
rompi la continuitât di alc, in sens fisic, spaziâl, temporâl o ancje concetuâl:
tal câs de Catalogne, par esempli, la serie storiche [dai risultâts eletorâi] e je interote de lungje ditature franchiste (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
Sin. fermâ
, taiâ
, rompi
-
v.tr.
(ancje ass.)
fermâ cdn. prime che al vedi finît di dî ce che al è daûr a dî:
nissun olsarà di interompi l'uditôr o chel che al ven esaminât (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera);
cuant che e pues cjacarâ, no vûl jessi interote (Cristina Noacco, Faliscjis)
Cfr. fermâ