crepâ
cre|pâ
[CO]
-
v.intr.
murî:
"Biade bestie, ce pecjât! Purtrop e je crepade" "I sarà vignût l'acident" (Luigi Gortani, Il tor di Mueç);
se al pes i gjavin la aghe, al crepe (Antoni Beline, I furlans e il templi)
Sin. lâ
, mancjâ
, passâ
, spirâ
, lâ cun Gjo
, lâ cun Diu
, lâ in chel altri mont
, lâ in cîl
, lâ in paradîs
, lâ a fâ mantiis di bocâi
, lâ a mangjâ il lidric pal poc
, lâ a sintî cjantâ i grîs
, murî
, sclopâ
, dâ un sclop
, dâ un ton
, tirâ sù i scarpets
, tirâ il pît
, tirâ i sghirets
, tirâ la ghete
, tirâ la sgripie
, tirâ la gjambe
, distirâ i cracs
, lâ a fâ di spie al farc
, lâ a fâ tiere di citis
, finî di patî
, tirâ i stivâi
-
(iperb.)
rivâ al limit cuntune emozion, sensazion o cuntune lôr manifestazion:
doman e creparà di amôr par me! (Arturo Feruglio, Viaç a Vignesie);
a crepavin di invidie (Maria Forte, La rive di Sant Pieri);
si è misturât ta chê balfuerie di int in cercli che e crepave dal ridi (Alan Brusini, Amîs come prime)
Sin. sclopâ
, murî
, spreçâsi
-
v.tr.
[BF]
fâ un principi di crevadure, une fressure:
"E une mont che si sclape. La gnot a crepe une piere, la piere si viarç…" (Stiefin Morat, Kebar krossè)
Sin. fressurâ
, sfesâ
Cfr. rompi
, sclapâ
, crevâ
Polirematichis e espressions idiomatichis
Proverbis:
- al è miôr mangjâ il polam che no lassâlu crepâ di fam
- cuant che la piore e à fat il mâl, par chel che e vâl e crepe
- cui che al mangje sôl al crepe sôl
- cui che al nas contadin al crepe bifolc
- cui che al nas contadin al crepe vilan
- cui che al nas cuadri al crepe taront
- cui che al nas mus al crepe pandolat
- cui che si pas di sperance al crepe di fam
- il cjaval al crepe co al à mangjât par tant che al vâl
- il prin dì di Inseri al è sant Pas, il secont sant Crepìn, il tierç sant Sclop
- la vacje dal puar e crepe e chê dal siôr ind fâs dôs
- se e à di crepâ, e crepe la vacje dal puar om
- spiete che intant al creparà il mus o il peçotâr
- vuê mangjìn, mangjon; doman crepìn, crepon