spirâ
spi|râ
[CO]
-
v.intr.
dal aiar, dal vint, movisi cuntune cierte direzion:
il scuâl al è lizerin, al volte face di dutis lis bandis secont che al spire il vint (Catarine Percude, La rosade di sant Zuan);
i pîts a sprofondavin inte jarbe alte, che e vongolave a lent, daûr dal spirâ di une bavesele lizere (Gianni Gregoricchio, Trê feminis)
Sin. soflâ
, tirâ
-
v.tr.
(ancje fig.)
soflâ o mandâ fûr aiar o flât o alc che al è tal aiar:
e spira il bôç un ben soâf odôr (Zuan Josef Busiç, La Gjeorgjica di Virgjili)
-
(fig.)
fâ sintî e fâ partecipâ di une atmosfere:
dal cûr di ognun bandide è la miserie, / dut spire bon umôr, dut alegrie (Pieri Çorut, La sdrondenade in Autun)
-
v.intr.
mandâ fûr l'ultin respîr, murî:
e fait, che o spiri in placide agonie / cul Non sui lavris di Gjesù e Marie (Zuan Batiste Galeri, Il furlan a messe);
prima di spirâ veva vût ancjimò la fuarsa par dîgji: «Maladet ladron, se no ti viôt anima viva, se che mi jâs fat, ti 'sa palesarà la luna!» (Ranieri Mario Cossâr, Il lusôr di luna)
Sin. spirâ la anime
, murî
, lâ
, mancjâ
, passâ
, lâ cun Gjo
, lâ cun Diu
, lâ in chel altri mont
, lâ in cîl
, lâ in paradîs
-
v.intr.
vê un tiermin cronologjic, cessâ di jessi in vore:
la regule e diseve che, spirât il secont mandât, la superiore no podeve restâ cun chês stessis muiniis (Antoni Beline, Diaspore in cjase)
Sin. scjadê
-
di dade di timp, finî:
il timp par distrigâ i lavôrs de Cjarte Costituzionâl, slungjât fin al 31 di Dicembar, al sta par spirâ (Josef Marchet, Fieste finide);
in chê dì al jere spirât il timp par paiâ il bol de moto (Riedo Pup, Jo, evasôr fiscâl)
Polirematichis e espressions idiomatichis
