cjaveli
/-vé-/
cja|ve|li
[FO]
-
s.m.
ognidun dai pêi che a cressin sul cjâf:
«Che nissun mai da però [cincuantetrê agns]», al salte sù lui content, metintsi a puest il çuf come chei da publicitât dai shampoo, «cjale ca, nancje un cjaveli grîs» (Maurizio Mattiuzza, Al prossim casting ti sielzin te);
al jere a cent e cincuante metris di altece. Un aiar fuart di garbin ur sgardufave i cjavei (Gianfranco Pellegrini, La otave corsie);
al jere un vieli cu la barbe e i cjavei blancs (Fabian Ros, Il lôf);
une fantate bielonone, alte, fate ben, rosse di cjavei (Gianfranco Pellegrini, Evelin);
Begot al veve poiât lis valîs te cjamare dal hôtel di chê isule incantesemade li che al varès passât lis vacancis, e dopo jessisi lavât i cjavei che al veve plens di grafe, si imbusà intune des stradis di St. John's par finî intun bar (Fabian Ros, La rambe);
chel om sui cuarante agns, cui cjavei sâl e pevar, ben vistût e ben tressât, le meteve in sudizion (Franca Mainardis, Il sium di Lissandri);
lui si vicinà al frut e i cjareçà i cjavei bionts (Maria Forte, La tiere di Lansing);
salacor i destins dai umign a jerin dal dut diferents par resons plui sutilis di un cjaveli (Carlo Sgorlon, Prime di sere)
Var. cjavêl
Cfr. cjâf
, cjavelade
, cocon
, pinie
, strece
, petenâ
, spacetâ
, disgredeâ
, disgropâ
, taiâ
, tosâ
, tonsurâ
, coçonâ
, piruche
, piruchîr
-
s.m.
cuantitât o dimension une vore piçule:
puars mai voaltris se o jessîs dal segn! Nancje un cjaveli, difûr… E che al sucedi ce dal diaul che al vûl, voaltris no stait a vê pôre e fasêt il vuestri fat… (Dino Virgili, La aghe da pît la cleve)
Sin. fregul
, sbit
, stic
, tininin
, tic1
, ninin
, nuie
, ongule
Polirematichis e espressions idiomatichis
Proverbis:
- al è miôr che al boli tal cjavêl che no tal vassiel
- cjale il to trâf intant che tu cjalis il gno cjaveli
- i vûl bighe no cjavei
- il Concei di Trent al à leât il diaul cuntun cjaveli de madone
- la lenghe e je plui spiçade di un cjaveli
- lis feminis a àn putrops cjavei e pôc cjâf
- ros di mâl pêl cent diaui par cjavêl