Dizionari de Lenghe Furlane

sorc  /-ò-/  sorc  [FO, TS]

1. s.m. bot.com. cereâl di divignince americane, lat. sient. Zea mays, une vore difondût in Friûl, che al prodûs grans in panolis, doprâts par mangjâ, massime par fâ la polente, o par fâ vueli:  e nissun si acuarzeve / del gno lancûr! Il Nadison coreve / di istès, chel contadin là vie tal cjamp di sorc / no si voltave […] (Enrico Fruch, Memoriis di scuelâr); jê ten la palma da la man aviarta e lui gji buta sù, fûr di un scartòs, gragnei di sorc. I colomps gji svualin intor, cualchidun si gji poia su la spala e cualchi plui ardît ven becâigji il sorc fûr da la man (Ranieri Mario Cossâr, Tinuta, la sartorela)
   Sin. blave , sorturc , cincuantin ipon. , bragantin ipon. , sorghete ipon.
   Cfr. panole , panoglete , fueade , sfueade , scus , scartòs , mangjadure , penac , soreâl , cimot , pini , penacul , picot , floc¹ , sede¹ , civon , corondul , curubul , cornul , cjincui , cjincul , cjanusson , scarondul , sbrundul , concul , çoncul , mugnule , brundul² , curnul , çuncui , çuncul , çunculi , scuful , comul , panoglat , cjon , panoglon , cjoncui , cjoncul , panoglot , clari , curubule , strassul , sclausson , curundul , mussul , botul , scatùs , scjatùs , mucel , mustul , cjuncui , cjiuncul , maçocul , corubul , sbronzul , bronzul , cjanôl , cjanon , scjanossum , semenâ , tamosse , ingranî , staipe , mucul

Polirematichis e espressions idiomatichis

• come la vacje tal sorc loc.av.
• pan di sorc loc.s.m.
• tant che la vacje tal sorc loc.av.

Proverbis:

• a Sant Pieri il sorc al plate il puieri
• cuant che al cjante il crot, semene sorc
• cuant che la lodule e va in cîl, il pan di sorc al sa di mîl
• il sorc tal cjamp bisugne che lu judi ogni sant
• si daur il sorc ai purcits magris
• sorc biel in jerbe, brut in panole
• sorc râr al jemple il granâr
• sorc râr al jemple il granâr, sorc fis al impuarìs