Dizionari de Lenghe Furlane

pan di sorc    [CO]

1. loc.s.m. pan cul impast fat no dome cun farine di forment, ma ancje di blave, che e costave di mancul:  croderessiso vualtris che si podarès tirâ la vita indenant sença la blava? E pûr no son nancja doi secui e mieç che ca di nualtris si mangja pan di sorc e polenta (Federigo Comelli, Il me paîs)
   
   1. (ancje fig.) ancje in paragons o metaforis par alc di grês, dûr o di pôc valôr:  "Al è dûr come il pan di sorc [il gno om]!" "Lu dismolarìn! E vedarà!" (Arturo Feruglio, Un grop sul stomi); «A son doi salvadis, plens di pretesis, maleducâts, ordenaris, come il pan di sorc» e diseve done Cheche (Pieri Menis, Il tesaur di done Cheche); chê rive biele e drete che e je parsore dai lavadôrs di Laçà, che a van a fâ cori i ûfs di Pasche, le àn vude dade vie par un pan di sorc (Dino Virgili, La aghe da pît la cleve)

Components:

• pan¹ s.m.
• sorc s.m.