sede1
/-è-/
se|de
[FO]
-
s.f.
filament secernût dai cavalîrs par fâsi la galete e fibre che po si oten des galetis:
si cuistave dîs solts a tirâ sede e sbuentâsi li mans (Dolfo Zorzut, No je plui vive);
Betilde, cence dâi seont, i puartà dongje il zei incolm di sede zale e lusinte. Anzule e fasè muse da ridi, po, cu la man industriade, e alçà une ace par pesâle, e cjalà la stuarzidure (Maria Forte, La cotule di none Betilde)
Cfr. galete2
, cavalîr
-
tiessût fof, slis e slusint otignût di chê fibre:
il vistît sglonf di sede latisine a ricams di spighete su la gjachetine e sui manins (Maria Forte, Cjase di Dalban);
danzis sot il tei, intun svoletâ di cotulis a pletutis fissis e di façolets di sede (Dino Virgili, La aghe da pît la cleve)
-
(fig.)
robe slisse, nete, fofe:
cjapant la cjicare dal cafè des mans de Leni, i veve tocjât la sede de piel e si jere sintût a cjapà di un sgrisul (Maria Forte, La tiere di Lansing)
-
s.f.
pêl dret e dûr di cierts mamifars, massime di purcit e di cenglâr:
un pinel di sedis di purcit
Sin. pêl dûr
-
s.f.
[TS]
zool., vet.
viôt sedule
-
s.f.
[TS]
bot.
ognidun dai pêi singui e drets che a cuvierzin la superficie di ciertis plantis
-
ogni filament che al ten sù il sporogoni dai Musclis
-
filament o complès dai filaments de panole, prime clârs, e scûrs cuant che e je madure:
ca sialis, forments / granîts e imponents, / la blave e à la sede, / la ploie la comede… (Argeo, Ploie in campagne)
Sin. floc1
Polirematichis e espressions idiomatichis
Proverbis:
- cui che al vent stope si vistìs di sede e cui che al vent sede si vistìs di stope
- cul timp e cul lavôr il morâr al devente sede